卡樂B @ 19 weeks....

踏入第19週...期待已久既"胎動"終於都發生係我身上啦.....YEAH~~~~~~

第一次感覺到"卡樂B"郁...係22/6....感覺好微妙...真係好輕好輕....個肚位突然有一下"彈一彈"既感覺....真係一下過...用對手放係肚已經feel唔到....

期後呢個星期....每一日我都期待住卡樂B郁....一日一日....真係越黎越明顯....亦都因為卡樂B係我肚入面...所以"卡樂B"幾時郁我都可以感覺得到....

而Jackie...每次佢想feel"卡樂B"郁都會有一定既難度....點解呢? 因為我地根本唔會知"卡樂B"幾時郁....有時真係叫極都無動靜架....

而係尋日...亦都係我同Jackie結婚半年既日子...Jackie終於可以實實在在感覺到"卡樂B"郁啦...唔知"卡樂B"係唔係想將呢份禮物送俾佢daddy....當係俾佢daddy結婚半週年既禮物呢???

而係呢個星期...我亦都返左東區照結構....幫我照結構既醫生都幾young...雖然佢young...不過都好nice....整個照結構過程大約10多分鐘....醫生每照一個位置都有同我地講係咩位....醫生亦有問我地知唔知"卡樂B"係囝定囡...其實上次見Dr. Kong個時Dr. Kong都已經同我提過...今次可以講係再一次confirm~~~~~

另外醫生亦都好仔細幫"卡樂B"照心臟....只係心臟位置醫生都已經用左差唔多一半既時間去check....而最開心既....就當然係醫生既一句"橫睇掂睇BB既心臟都無問題"....聽到呢句真係心都定埋呀~~~~~

雖然已經係東區照左結構...但為安全起見...我都會再返Dr. Kong個邊再做一次....此終私家醫生一定會再仔細d....好期待再同"卡樂B"見面呀 ^^