好叻仔...好乖仔呀...!

7月1日

近期樂樂已經識為自己祈禱謝奶/謝飯，(只係有時謝奶時講左"飯飯"，謝飯時講左"奶奶")。這個多星期，每次謝奶/謝飯時，樂樂都會和我一起慢慢祈禱。

樂樂媽﹕樂樂祈禱食飯啦!

樂樂﹕謝謝天父，賜我飯飯(有時講左奶奶)，求主聖潔，保守平安，奉主名求，阿們!... 好叻仔...好乖仔呀..!!(笑住說)

媽媽後記

讚佢果句都學埋。由樂樂識和我一起祈禱食奶/食飯時，我已經對他說 (好叻仔..好乖仔..)，點知今時今日他自己會謝飯時，連呢兩句都學埋! 真係比佢激死! 宜家樂樂會為自己謝飯，雖然講多左兩句，但係都好感恩吧!