長試了IS250C

上次短試IS250C時，開車仲好好天，點知一入到去大潭就玩黑色曝雨，成程只得15分鐘開篷影相。試車亦只能有濕路進行，而且冇開過頂試彎路，考驗下個車架的剛性。

所以今次部車ready畀人long term，代理即刻交畀我，等我再試真d。

雖然天氣好熱，但為求試得清楚明白，我特登響夜晚開左個硬頂享受開篷之樂，首先令我驚喜的是傳入車廂的噪音和亂風唔多，可以同後座乘客細聲交談。冇左個車頂，我嘗試快速攻彎，感覺上車架無乜削弱度，車架依然好聽話，不過可能避震setting因應開篷車的重量set得離地距較高，入彎時感到車身傾側度較大，但四條胎就好聽話好貼路，點都冇離軌！

引擎力度算ok，當然唔可以話強勁，加速起黎都有板有眼，記得有一晚有部997連cut三線由最右到最左，搞到我狂dup，但一起油又可以隊住部波子，頭段波子可能車手關係竟然唔識放甩我！哈哈！又係，如果手車係好既就唔會亂黎啦。

車廂驚喜不大，卻勝在樣樣齊全，個車頂開關好快，大概十零廿秒就攪掂。

整體黎講，呢部可以話係日本近年首次推出的四座位開篷車，凌志出品，質數絕對有保證，另外，個人認為新車開左頂會比硬頂時候靚仔瀟灑得多。