24 Oct 09 工人篇

24 Oct 09

應該要黎篇工人紀念blog, 今日係我暫時決定最後一個工人走左剛剛一個月, 點解話暫時呢? 係因為我仲未好好好確定我係咪真係冇工人都得, 佢走左1個月, so far我同老公當然係忙左啦, 但係又唔算好嗱手唔成世, 因為之前根本佢幫到既係唔多, 我地亦暫時決定唔再請工人

javan 2歲7個月, 由我第一個工人做到完約, 佢想搵過一份有錢家庭既工(佢既有錢顧主, 係要擁有獨立屋, 佢自己有一間大套房, 每日可以自由出街, 假期可以帶fd返屋企果d), 佢喺我屋企打工, 我亦都供應一間房比佢, 係自己一間, 唔洗同小朋友share, 只係我冇套房囉, anyway, 等我講講佢走左之後, 我既慘痛經歷

首先, 我未講前, 可能大家都會問, 係咪你麻煩, 係咪你要求高, 所以搞成咁, 我呢, 自問係一位好顧主, 好到點? 唔洗工人去街市, 阿sir買埋返黎, 夜晚唔洗揍小朋友, 我自己揍, 基本上我放工返到屋企, 我就會自己照顧返, 包括食飯, javan沖涼, 同jasmine check功課呀, 陪javan玩呀.........總之我能做既都做, 佢地做錯咁多野, 我連鬧都少, 咁了解過後就等我記得幾多得幾多啦:

1) javan出世前我完約工人就走左, 諗住好彩javan出世前3個月可以請返個, 諗住train返咁上下先接手揍bb, timing好好, 我請佢原因係佢係2名小朋友既母親, 仲有佢係擁有教育學位, 係一位教師, 請佢黎頭一段時間已經super home sick, 成日話掛住佢d 仔女, 好努力咁安撫佢, 但係慢慢發覺佢精神有問題, 最記得有一日, 我朝早8點幾出門口返工, 佢仲未起身, 跟住我好輕聲lock the door叫佢, 夠鐘啦bor, 你要起身啦(佢suppost係6點要起身架, 我見佢新黎, 諗住未慣, 所以好輕聲咁叫佢起身), 我一叫佢時, 佢成個彈起, 跟住跳落床, then係咁講, oh my god, oh my god, then衝出房就去廳到想做家務, 個人有d crazy咁, 係咁開櫃門, 跟住又嘭一聲close, 跟住係咁不停講oh my god, 咁我見佢好似失控咁就叫佢hey, calm down pls, 佢一聽到我呢句就好似突然漏左氣既波咁, 吓一聲就軟晒咁坐喺地下到, 嚇到我都唔知佢做乜, 當然啦, 我會當佢係因為唔知醒, 所以好驚而失控, 好戲在後頭; 事隔左一星期, 佢放第一次假之後既4日, 有一朝, 我老公見佢面都青晒, 問佢乜事, 佢總之係咁話個肚唔太舒服, 我老公唔知佢乜事, 就幫佢倒埋暖水比佢, 見佢好似好辛苦, 就提出話同佢睇醫生啦, 佢又唔肯, 跟住我老公不停追問佢乜事, 佢最後就講, 佢果朝喺我地門口食左支煙, 問題係我老公同我個鼻都好靈, 冇理由食左煙一d煙味都冇, 咁我老公問佢係咪本身係一個smoker, 佢話唔係, 係因為佢放第一次假, 喺我屋苑附近識到d bunbun, 人地叫佢試下, 佢已經話唔試, 跟住佢走時, 人地塞左包煙去佢袋到, 佢果朝本身想掉左佢但係好奇所以試下就搞到咁, 我都試過食煙, 但係唔會搞到佢咁既款囉, 跟住我地都唔太相信, 但係冇證冇據, 咁我地出左warning letter話以後唔可以咁就算, 跟住我有一日喺公司個net cam睇下佢做乜啦, 佢喺到熨野, 唔係熨衫喎, 係熨2條沖涼抹身既大毛巾, 我本人同老公都冇咁既要求, 毛巾唔知熨黎做乜, 但係恐怖既唔只係熨毛巾, 佢係熨左個幾2個鐘都係熨緊呢2條毛巾, 佢首先拎毛巾A熨呀熨, 熨完摺返, 就拎毛巾B出黎, 跟住又熨呀熨, 熨完又摺返, 奇景係佢又拎返毛巾A出黎又熨過, 好是者............個幾鐘都係咁, 就以上咁多恐怖野, 同埋我地覺得佢情緒有d問題架, 我地決定炒佢啦, 因為佢真係怪怪地, 好啦, 我下一個工人之後話帶jas返學, 其他bun bun話佢聽, 其實佢次次揍完jas返學都去左買煙架, 仲有, 佢走左之後, 我地喺廁所下面個櫃最深深處搵到一個煙盒, 內有好多張錫紙, 我諗佢唔係食煙咁簡單

會唔會太長呢, 不過我呢篇blog係等自己記得d工人既問題, 太長浪費左你地太多時間就真係唔好意思.........

2) 跟住呢個工人, 做左半年, 佢之前黎過hk, 同一個顧主做左4年, 我都同佢前顧主攞左reference, 咁佢前顧主話佢呢, 好多時叫佢做先做, 但係唔會黑面, 煮野都ok, 前顧主有2位小朋友, 2個都返全日, 後來見2個都over 10歲就諗住唔洗再講, 所以做左4年就冇再續, 我請佢係諗住有經驗, 雖然踢一踢先郁, 不過我有信心可以train到佢, 的確黎到係同前顧主講既都幾似, 經過我幾個月不斷鼓勵同教導, 佢已經上左軌道, 加上javan已經出左世, 佢本身都有一個仔仔, 佢揍javan揍得相當好, 咁家務佢就麻麻, 不過照顧到javan, 佢初時都搞唔掂jas, 佢話佢好冇禮貌, 我一直都有教jas唔可以對姐姐冇禮貌, 但係問題仍然存在, 我後來同工人講, 你不斷同我complain都冇用, 你係咪應該自己諗辦法, 你對住jas, 你應該自己要搵個辦法同佢好好溝通, 我又問佢, 咁你對jas係咪都冇禮貌, 佢居然答係, 咁我話你都唔尊重佢, 佢又點尊重你bor, 好啦, 經過今次傾完之後, 佢明白左係要大家尊重, 雖然佢係位小朋友, 咁問題已經解決晒, 佢煮野又very good bor, 就咁好相處愉快, 我一直都知道佢同老公有問題, 都睇住佢喊左好多次, 最後, 佢老公話要佢一定要返去, 如果唔係就帶走個仔以後都唔比佢見, 佢為左咁要同我辭職, 咁我真係冇辦法唔比佢走啦, 佢真係喊住走, 佢自己好唔捨得javan同jas, 因為佢覺得自己好努力咁搞掂晒, 咁樣走好唔捨得, 可能大家會諗佢會唔會係要去canada, 我可以肯定佢唔係, 因為我地到而家都有聯絡. 咁好啦, 佢走我又要請人啦.

3) 到第3個, 我又試下轉agent啦, 請過後生既, 諗住可以陪jas & javan玩, 點知........請左個大小姐返黎, 佢連洗魚都大叫, 跟住我喺net cam睇住佢坐喺sofa, 抱住javan幾個鐘冇出過聲, 冇郁過, javan就係咁坐係到係左一個下午, 睇到我心都酸埋, 工人就淨係望住個window, javan就咁坐係佢大肶唔郁, 好慘呀. 有一次我返到屋企, 見到javan隻手紅晒, 我覺得出奇, 問老公佢話冇野既, 我初時以為佢壓住瞓所以紅左啦, 過左一陣都仲好既, 我就問工人啦, 佢用好輕鬆既口吻答我: 係呀, 頭先我抱住佢拎粥, 佢一手嗱左落d粥到呀, 我下刪數佰字粗口 佢係咪痴架, 咁都唔話比我知, 佢仲語氣勁輕鬆, 好似好少事, 老實講, 我差d忍唔住捉返佢隻手落d粥到, 比佢試下有幾痛, 跟住我問佢咁javan咪喊得好犀利囉? 佢仲笑住仍然keep住好輕鬆既語氣答: no mum. 跟住佢自己都覺得自己唔適合做工人, 所以佢自己resigned啦, 原來佢黎hk係唔洗借錢, 係佢家姐比錢佢黎架, 佢一句話想黎, 想experience下, 佢家姐就比左錢佢黎, 佢大小姐話唔鍾意, 就走人, 當然啦, 佢走我非常之welcome.

4) 到第4個啦, 呢個做左9個月, 請佢係因為佢29歲, 未結婚, 係一位中學既教師, 見佢斯斯文文英文好好, 咁又試下佢啦.

呢個好多要求, 黎左一個月就話老公行完船返菲律賓想叫佢返去, 咁我當然唔得啦, 佢又話咁而家老公經hk, 會stay喺hk, 叫我比佢出去瞓, 我當然唔比啦, 跟住佢老公最後都冇stay hk, 佢又成日話佢老公唔知係咪有第二個, 跟住做左8個月就話想做夠一年放假, 初時都諗住ok, 佢初時又話放3月, 跟住同老公鬧交之後就話唔放, 放1月, 1月之後又3月, 3月之後又1月, 最後一次我同佢講阿sir好難攞假, 你最後一次改啦, 再改我地唔比架啦, 最後當然又改啦, 咁我地話唔得啦, 之前warn過你好多次唔可以再改, 你又話confirm冇問題, 而家阿sir改唔到假啦, 咁佢又用絕招話改唔到假就resign, 我最憎人地威脅我架啦, 咁你走算吧啦, 還掂之前發生左d事, 我都信佢唔過, 佢好唔小心, 試過唔見左jas, 又搞到javan敏感入左醫院, 詳情之前都有講過, 簡單咁講啦, 佢帶jas去撘車, 我叫佢睇住jas安全上車, 然後我喺quarry bay既巴士站等佢, 跟住我地有街去, 點知jas就上錯車, 工人睇住佢上錯車, 只係笑住咁示意jas落車, 咁jas以為佢同佢bye bye, 所以冇理, 好彩既係jas去到西灣河見唔對路就自己落左車搵間相熟既舖頭call我, 如果唔係, 本身去quarry bay既jas上左架去馬鞍山既車, 連我都唔會識搵佢架啦, 唉..........好啦, 搵返jas搞掂左, 我工人又黎電話, 話javan唔知乜事d皮膚紅晒, 又係之前都講過架啦, 長話短說, 我屋企kitchen有裝閘, 工人就唔用, 長期打開, 結果佢將碗鹹蛋白放係洗手盆邊比javan掂到跟住倒瀉照頭淋, 因為鹹蛋好鹹令到javan敏感, 咁我要即刻趕返屋企帶佢去醫院, 咁最後佢就走左啦.

5) 到岩岩呢個, 呢個都好多正野, 黎到頭幾日呢, 好勁架, 做野好快, 好肯寫低佢, 仲諗住搵到件正既, 首先要講一講我點解要講佢, 佢29歲, 未婚, 喺台灣做左7年factory worker, 咁佢菲律賓好多侄呀, 外甥呀, 係佢照顧架bor, 咁又諗住佢應該唔會有home sick, 加上識國語, 英文都幾好, 個樣又唔差, 咁就請左佢.

頭幾日好好啦, 之後就放慢啦, 做左8個月淨係識煮既有蒸排骨, 梅菜蒸豬肉, 烚菜, 節瓜/冬瓜滾瘦肉湯, 唔係我地唔教, 係教佢都冇再寫, 下次問佢識唔識, 佢又用對可憐大眼望住我話唔識, 我8個月黎我老公返工果日就係食呢d架啦, 如果老公放假會係老公煮囉(我工人幾嘆!!!!!阿sir煮埋比佢食, 佢仲要話好好味添) 好啦煮野算啦, 家務一樣唔得, 能本事抹冷氣機係咁幾d塵掃晒落piano後而條gap到, 跟住話佢啦 又係用對可憐既大眼望住我, 好似佢根本就唔知有乜問題, 飯煮唔好, 家務做唔好, 我都唔介意, 最緊要既就係搞掂我家大小姐同大少爺麻, jas有時叫佢陪佢玩 佢同我講話覺得jas玩煮飯仔, barbie好silly, 佢唔想同jas玩, 我都算啦, 因為jas返學, 老實講, 係星期六 or 日是但一日有dd時間可以玩到, 你話唔玩我都算, 咪我同佢玩囉, 你揍javan先係主要, 好啦, javan越黎越唔緊佢, 佢又越黎越對javan冇耐性, 暑假時, jas見到好多野話比我知, 首先我自己都睇到佢餵javan食粥javan唔食, 最後要jas餵, javan情願瀨屎瀨尿都唔比工人帶佢去廁所解決, 仲有, 每次下午瞓覺時, javan都起碼喊over 1hr, 最後係攰到爆先瞓左, 每次佢勁喊時jas都打比我, 我都唔知佢做乜搞到咁, 後來jas話我知佢用要javan瞓, 佢唔比javan郁, 用張blanket roll住javan身體, 跟住用對手指cover his eye, 痴線架, 真係痴線架, 話佢當然唔認啦, 跟住有一日我朝早同佢傾, 咁我suggest佢不如返一返agent到, 等agent教你點做啦, 佢就話我唔返, 如果要返agent到, 我覺得佢唔好就不如terminate佢, 我話我做乜terminate你呀, 我只係suggest你返agent到咋bor, 你唔鍾意咁你resign囉, 佢話佢唔會resign, 叫我terminate佢, 跟住我同佢講, 做咩呀? 諗住我terminate你可以補一個月人工比你即走呀? 佢又居然答係呀, 佢答i want to earn more money. 咁我笑一笑又好好心機解釋佢聽個顧傭條例, 雙方都有權即走, 如果你resign想即走, 可以補一個月人工比我即走 or 我係可以炒你補一個月比你即走, or我比一個月notice你, 你要喺到做多一個月, 你last day果日我比返呢個月既salary你, 你就走得, 唔會再有extra money, 咁岩呢, 我炒工人係從來唔會比工人即走, 你諗都唔洗諗, 跟住佢呆左一呆就答: mum, can you give me one more chance, i will try my best, 我真係聽到之後到我呆一呆囉, 佢係咪當我傻既呢?????

講返呢個工人既趣事, 佢好鍾意瀉膊唔認, 試過好幾次衰左到最後要我做鬼咁多野證明係佢錯佢先認, 等我講其中3樣啦:

1) 話說有一次jas想玩糯米粉, jas久唔久會玩下糯米粉, 用黎瑳公仔. 我就久唔久會同jas整湯丸食, 咁有一次jas又想玩, 一攞起手見到包糯米粉得返好少, 就問工人點解得返咁少啦, 跟住jas問工人, 你係咪將d粉放左入鷹粟粉個盒入面呀, 工人答係呀, 咁jas即刻講比daddy聽啦, daddy再問工人係咪將d糯米粉放左入鷹粟粉個盒到呀, 工人答唔係呀, 冇呀, 咁daddy因為忙javan沖緊涼就算, 跟住jas好唔開心, 我初時都唔知乜事, 見佢咁唔開心就問佢乜事啦, jas話點解姐姐同我講既同daddy講既答案會唔同既, 咁我問佢乜事啦, 佢就將件事講左比我聽, 咁我就去左鷹粟粉個盒到聞一聞啦, eeeee, 係糯米粉味黎架bor, 咁我問工人啦, 你係咪將d糯米粉放錯左入去呀(當時我冇勞氣過, 好似閒話家常咁問)佢答唔係呀, 呢d係鷹粟粉, 咁我真係聞到係糯米粉味bor, 於是就叫佢拎袋鷹粟粉比我睇下啦, 佢又真係拎左袋鷹粟粉出黎比我bor, 咁即係佢知道乜野係鷹粟粉 & 乜野係糯米粉啦, 咁我問佢盒入面果d真係鷹粟粉, 係邊到倒出黎架, 佢仍然答我喺鷹粟粉到倒落去, 咁我聞一聞鷹粟粉果袋啦, 真係唔同味架bor, 咁佢唔認, 我為左證明咪拎2個碗出黎, 係個盒到佢話果d係鷹粟粉到倒d粉出黎, 另外再喺鷹粟粉個袋又倒d粉出黎另一個碗到啦, 點知.........個盒入面果d佢話所謂既鷹粟粉磋得出湯丸喎, 另外我喺袋鷹粟粉入面倒出黎既鷹粟粉就梗係溶左入水啦, 跟住我就問佢點解會咁, 明明話喺鷹粟粉袋倒入去, 點解會磋得出湯丸, 於是佢就答我佢唔知2袋野係有分別, 跟住我老公搞掂javan就行入黎講啦, 佢一定知乜野叫鷹粟粉, 因為袋鷹粟粉係佢叫我老公買, 講到呢到, 係咪認左佢就算啦, 講真, 2樣都食得, 我覺得搞返清楚咪算啦, 點知佢仲撐bor, 佢話佢地菲律賓個個都用糯米粉煮野架, 所以佢以前糯米粉都得, 我聽到就火都起埋, 你仲撐? 我都攰到死, 為左證明你講既野係大話, 我做咁多野都未鬧過一句, 佢仲要撐?????? 跟住我把鬼火同佢講, 我地呢幢building大把bunbun, 我而家就求其問幾個, 如果佢地話唔係用糯米粉煮餸既我即刻炒左你, 跟住佢唔敢再撐啦, 就話可能搞錯.

2) 好啦, 呢單之後冇幾耐又黎一單, 呢單係jas上完piano class, 老師走時, jas好順手就lock左個門鏈, 咁我返到去之後, 工人一開門就嘭一聲, 成個門框都鬆開左呀, 咁我仲笑住話, 嘩, 乜咁激呀, 講真, 整開左咪搵人整囉, 我又冇嬲既意思, 佢第一句就講, mum唔關我事架, 唔係我lock架, 係jas lock架, 佢冇notice我, 咁jas同我講係真係佢lock, 佢同我道左歉, 咁我叫daddy聽日搵人黎整啦, 之前jas同我講, 其實佢lock門時, 姐姐企喺佢後面架, 佢一定睇到佢lock架, 咁我都諗住算, 不過過左幾日, 我同工人講開野時又順帶一提, 其實當時你企喺jas後面, jas話你一定睇到佢lock門鏈, 工人立即反駁好肯定話當時一定唔喺jas後面, 佢當時唔知喺kichen定toilet, 咁我又見2個既答案唔一致bor, 咁即係是但一個講大話啦, 咁我就捉埋jas一齊講, 我再問jas一次, 我仲專登用英文問, 因為唔想工人認為唔公平, jas答佢當時係企喺我後而架, 工人又反駁jas話唔係, jas立即案件重演一次, 當時工人企喺jas後面, 跟住jas lock左門鏈後工人仲要去自己張床到整d野先入左去kitchen, 咁工人睇到jas既精彩演出之後就答: mum, i'm difficult to remember the past time...........佢話因為以前做過全身麻醉手術後成日都唔記得野, 嘩, 我聽到之後真係忍唔住笑左出黎, 跟住我就即刻答佢, 咪住先, 頭先你明明好好好肯定話你當時唔知喺kitchen定toilet架bor, 你而家又同我講你唔記得, 咁點先? 咁佢冇計之後就唯有認啦, 唉..........

3) 我地煲湯係用壓力煲, 咁壓力煲有個特別之處係煲湯唔會走水, 意思係你想end up飲幾多就煲幾多碗, 唔通平時煲湯, 要開一大煲水, 跟住最後煲到得返好少, 咁我地一路都教工人煲老火湯就放6碗水(我地d碗係大碗) 咁壓力煲有條線, 呢條線既作用係湯連料係唔可以過呢條線, 如果唔係唔夠壓力就煲唔到, 我老公教工人, 如果放左6碗水後, 料太多over左條線呢, 就要take out返d水until到返條線, 咁我地發現好多次工人煲湯唔知點解好淡, 同一樣咁多料我老公煲既就好好味, 咁我老公話真係奇怪, 佢今日再買多d料架啦, 但係點解都咁淡既呢, 咁我問工人, 你係咪6碗水呀, 佢答係, 咁煲左幾耐呀, 佢答40mins, 咁我話排左壓後又冇番煲, 佢答有, 5mins, eeeeee,,, 全部岩架bor, 乜問題呢, 於是我走入kitchen望下煲湯啦, 哈哈......煲湯有好多呀, 咁我問佢你真係落左6碗水? 佢答係呀, 我問佢你落晒料之後有冇再落水, 佢答冇, 咁我話你已經拎左3碗比我地飲啦bor, 呢到仲有咁多水一定唔只6碗啦, 你係咪get錯左阿sir意思, 以為6碗水加料之後見未到條線, 你就加水加到條線到呀?(我又係語氣soft) 問左幾次同一個問題, 佢都答冇, 唉.........咁我又唯有證明比佢睇佢一定加多過6碗水, 於是我叫佢拎多3隻碗出黎, 倒滿3個碗既湯啦, 個煲入面仲有3分1煲水呀, 咁我問工人啦, 你話6碗水, 而家多左咁多, 點變多黎架? 跟住佢就扮如夢初醒, 佢話咁佢應該係誤會左6碗水加料後, 而家一定要到條線到, 所以加水加到條線到, 即係話佢起碼落左10碗水. 咁我都費事再追問落去就算.

仲有佢d 2個月用6支超濃縮柔順劑, 1星期用一支"是"油, 仲有佢係用抹手紙抹碗架囉, 跟住3個月食左50斤米........到最後我地都係決定terminate佢, 而我媽咪因為都真係睇唔過眼佢d孫咁慘, 所以我地決定, 我媽咪會揍返j&j, 我地而家雖然係忙左, 因為要顧埋家務, 但係冇左工人喺屋企就方便左, 同埋唔洗勞氣, 希望支持到落去啦.

多謝收看