講出o黎 都笑死人...........囉到爆呀!!!!!!!!!

                  今次想直接D入話題....因為好累.....我好掛住一直支持開我o既blog友仔您地好呵.......您地近況好嗎??近排無寫blog當然有我自己原因啦!

                  但係我知道講出o黎你地都會話抵我....同埋實笑我.......不過無所為 La 我又唔怕醜話比你地知..........嘻.........

                  我早兩個星期前(9月12日)入o左醫院呀!!!點解????唉!咪就係好做唔做.....做埋D白痴o野o羅!!!係因為身邊D女性朋友個個都話要減肥(最搞笑其實佢地都唔係肥,只係貪心想再瘦D).....自己又傻聽下聽下又減埋一份.........

                 本應淨係一日食一餐都無事(因為平時我習慣都係食好小o野)........最大鑊就係我又加埋D減肥丸........點知果日突然個心跳得勁快,全身標冷汗,時凍時熱,頭又暈手又震....跟住最辛苦係突然間我四肢抽筋.......嚇死我..........

                 好彩當時同"阿敏"一齊(但係最慘佢又驚到腳都軟埋,當時我仲驚)........後來跟住無辦法"阿敏"唯有call但白車 l a (因為我手同腳都抽曬筋,根本就行唔到)......在等白車o黎果陣因為太痛太辛苦搞到又覺得呼吸開始好困難.......這一切o既身体反應以往都未試過(除了頭暈)...........

                直至白車到(大概4分鐘)o既時候,已經得番半條人命.....初初救護員比我吸氧氣罩好似好D.......後來可能抽筋抽得太痛同埋抽得耐(當時對手係抽到屈往伸唔直之外,對腳又抽到"行").....跟往發覺身邊o既聲音越來越微弱,後來才知道原來暈o左......."阿敏"話D救護員見我開始對答唔到暈o左.....跟住好緊張立刻call定急症室話架救護車就到,方便到時直接推入急症室急救 wo..........

                唉!到我醒番之後,我已經在病房 l a.....嘩!好似打完仗咁,全身無曬力....D手,腳又痛.......跟住無幾耐醫生走埋o黎......話要留院觀察,同埋要等驗血和X光報告出........跟住仲要比醫生同埋護士鬧o左一大餐.....不過講真,又係自己唔o岩,無端端減咩肥o丫,仲要搞出個大頭佛...........

               後來留o左4日院,話我可能因為減肥,營養又唔夠,我又亂食減肥藥....同埋醫生話我有藥物敏感加上隻藥原來唔o岩我食,種種因素影響才會出今次意外 wo.......另外又話我体內o既"鉀"質超低而導致個姨臟功能不是太好.........唉!!!!!!今次 lee 個教訓真係講出o黎都笑死人.......真係以後都咪搞我........而且醫生都話我5呎6' 120磅又唔係過份,我又學人減肥,減到又嚴重抽筋好無為 wo ...........

                    呀!!!!!!總之今次就o羅到爆啦!!!!!!!!