寶 貝 仔

養兒一百歲長憂九十九，呢句說話我覺得有問題，應該係長憂一百先啱。

啱啱樂樂醫生打電話嚟，話報告其實返咗都幾日，因為出嚟既數據好波動，所以佢寫mail去問其他醫生既意見，um.........其他醫生都覺得樂樂個肝應該有少少問題，要食初部既護肝葯先再check有無好轉，膽汁方面正常指數係15，樂樂係18，高咗少少，但醫生話問題唔算大，都係要食吓葯再跟進。

聽完個電話心情好差...............唉.........但或者由另方面諗，情況唔係咁壞，年紀大咗就係咁架嘞。

等樂樂食埋上次肚屙醫生開既抗生素，就返去打預防針同攞葯嘞。

樂樂上個星期三肚屙，星期四朝早同佢去睇醫生，當晚食咗一次止屙葯同抗生素，星期五都有屙但只係軟便便，所以就再無比止屙葯佢食嘞淨係食抗生素，唉.............真係屙又驚唔屙又驚，星期五之後直到尋日樂樂都無屙過臭臭，四日嘞，怕佢有問題所以打番診所問醫生，醫生話無嘔就可以睇多兩日先，oh............ 好彩，尋晚樂哥仔終於屙咗大大嘞，所以話呢養兒一百歲長憂101先啱。

唉.....好唔開心......好驚........好擔心呀