要問路的巴士叔叔

琴晚放工，夜左少少走

（其實都算懶死唔走．．原因係老細返左左大陸，可以上網打機）點知．．．

六點半走．．拿拿聲行去坐車．．如果唔係返到去都差唔多八點啦．．．

去到車站已經見到架車啦．．．咁我緊係急急腳啦．．．

不過今日覺得架車有Ｄ奇怪．．佢本身想停係一個唔屬於２６９Ｃ既車站．．．

之後又行前多幾步．．比人既感覺係．．你．．識唔識架？！？！

咁我唔通因為佢停左係第二個站唔上車咩．．當然唔會啦．．．

上車之後．．呢排習慣左坐上面既我（因為下面真係好熱囉．．）今晚竟然

又再試坐下面，結果出事啦．．．真係又係熱到好似一哥咁既款（焗豬扒飯ＷＯＲ）

點知行呀行．．．當我有少許意之時．．見到出面既路好似唔係好對路ＷＯ．．

此時，司機叔叔已經大叫一句．．．：請問有無人可人帶一帶路？

大佬．．你唔好講笑啦．．帶你路．．我都係唔識先坐巴士ＷＯＲ．．

識既我就去揸巴士啦（講下姐．．）佢．．佢真係唔識路．．今次呵奶啦～～

環顧四週．．．黑馬馬．．．貨櫃車．．貨櫃場．．貨車．．．

Ｏ．．．我地係邊到呀．．．當大家七個咀八條脷．．係到ＵＰ緊點解架．．

有個好心既ＶＡＮ仔司機．．行車仗義．．指引我地呢架迷途巴士．．．

仲好好人咁帶埋我地去．．．行到呢到．．我已經一身濕晒．．大佬呀．．．

下面個層真係好熱．．仲有．．比你嚇死啦．．仲話咩跟車係日頭跟．．

夜晚唔認得．．．不過係返去訓多幾堂先啦．．我心血小．．你唔好嚇我先得架．．

落車既時候望一望個鐘．．．八點．．多謝．．安全到步已經非常感激．．

又一次證明揸巴士並唔代表係識路架．．．所以下次問巴士司機唔好盡信ＷＯＲ～