年初五 & 年初六

真係要快快手完成埋個新年拜件記錄先得．．．

年初五　係我各人黎我家團拜日，ＢＢＱ大會．．．

係啦．．．點解次次黎我屋企都係ＢＢＱ既．．．原因係地方夠大．．．

小朋友有小朋友走黎走去．．．大人有大人游乾水＆　ＢＢＱ．．．

不過，琳琳豬是日經已比媽咪開年．．原因係成日顧住玩又唔食粥．．

食兩啖已經唔肯食，仲要發我脾氣．．真係唔想開年都唔得．．．

過呢個年令我最有感受既就係小朋友一經過一個長少少又唔正常既假期

就會好煩，食又食少左（正餐），但又會食零食食多好多，所有正常作息時間

會倒轉晒（試過有一晚明明好眼訓釣晒魚都唔肯訓），早上又訓到成點幾鐘都唔

願起，簡真就係過份．．奶奶明明早上可以飲８安，宜家７安都飲唔到，下午仲

可以唔飲都得，不過過年就係咁架啦．．．又係一句．．慢慢來啦～～

年初六　五姨舊居團拜日

呢個地方係我兒時成長常到既地方，真係老土的講句，都唔知留底左我幾多腳毛

琳琳豬黎到呢到就比媽咪重重保護住．．點解？？因為呢到有她多大隻狗．．

仲要真係會咬小朋友的，雖然已經綁住左．．但係琳琳豬對於個班小朋友

黎講真係”太小”啦．．邊夠人衝同撞ＷＯＲ．．都係比媽咪保護下先啦．．

下年先同表姐一定：衝呀～～

不過係呢到發生左一件好重要既事，就係琳琳豬係呢到踏出左佢人生中第一步

媽咪真係好感動，亦都好意外．．雖然之前成日都見到琳琳豬有意思想行．．

但係個女成日都係無意思放開我地隻手，只係會想拖住黎行．．

同埋我地一致認為琳琳豬係學習方面係比平常人難以集中同埋需要多一點時間．．

點知咁Ｄ得閒又同佢練下既時候．．真係比佢行到．．

女女，媽咪知道你有努力架．．．加油呀．．．

可惜ＹＡＨＯＯ唔知搞咩鬼．．條片ＵＰＬＯＡＤ左兩日都整唔到上黎．．

有冇人可以教下我點樣係ＹＯＵＴＵＢＥ整呢．．我已經ＵＰＬＯＡＤ左上去．．

但係就唔知點解放係呢到睇．．．教教我吧～～