姊妹裙 Confirmed @ Plovee

Yeah!! 又攪擔多一樣野~!

上個星期 "的' 起心肝, 終於 send 左 message 比我班好姊妹, 約佢地去揀姊妹裙~~ 我姊妹裙既安排會係同色唔同款, 所以我就帶佢地上去, free 比佢地自己揀款, 不過色就限定係同一隻色~!!

好多謝班姊妹因為要趕黎試衫, 放底哂手上面既工作趕過黎... 真係好多謝你地呀!!  因為平時約你地食飯, 要你地呢個鐘數盡時出現, 根本就係冇可能既事...!! haha

左揀右揀, 終於都定好哂款喇, 我連條伴娘裙都o向呢度訂埋, 咁我租婚紗果邊, 又可以多一個 quota 出黎~~!  

條伴娘裙, 就係同姊妹裙唔同色既, 不過本來想要長裙ga... 但係諗諗下都係短裙行+做野都會方便 d, 經過小 pink 既同意之後, 最終都決定要短裙~!

訂貨大約需要三個星期左右, 貨返左就會 call 姊妹上去 fit 多一次, 要改既就改.... 原來佢話都可以拎哂 d 貨先, 到 bday 前三個星期左右先拎埋條裙上去度身都 ok, 因為驚如果太早改定, d 姊妹瘦 or 肥左就煩...  呢個安排我覺得唔錯, 起碼我會覺得真係為我地 d 客人著想囉.....