網誌分類：Ja 嫁。婚照 |
直至而家呢一刻, 如果問我對 Monalisa 既滿意程度, 我絕對會比 100 分!!!
Sales - Rachel
我 join Monalisa, 係去門市 join o既, 而且, 我係完全冇做功課之下去 join o既, 即係話, 當時我對婚紗相呢樣野o既認知完全係 "0"!!! 不過 Rachel 好好, 佢會好細心解釋每一個 item, 仲有, 佢冇呃我, 真係比返我應有既 offer 我, 真係好值得一讚!! 因為當時o既我, 根本就唔知有咩o野可以 bargin 到.....
到之後因為我自己有少少問題出現o左, Rachel 亦都好盡力咁幫我去解決!! 真係好值得一讚~~!!
Fitting - 好可惜我唔知佢叫咩名
雖然唔知佢叫咩名, 但係我都好想讚一讚佢!! 因為我事先已經o向網上揀好哂衫, 不過有幾件衫, 唔知點解, 我真係搵唔到, 果 d 都係 fiona 著過 ga! 我去到 ml 試衫o既時候, 我一路試既時候, 問個 sales 姐姐, 我話我想揀 fiona 黃色同埋粉紅色件 eg 呀... 不過我網上搵唔到, 點知, 佢竟然答我: "我已經攞o左比你啦, 一睇你揀既衫, 就知你係主攻 fiona 系列" 
咁都比你發現o左 tim....
之後我仲爭一件外景 wg 揀唔到, 試o左好多件都唔o岩心水, 不過呢個 sales 姐姐不旦冇嫌我煩, 仲不斷周圍搵衫比我!! 真係好抵讚!!! 最後, 佢終於都搵到一件o岩我心水o既 wg 喇~!! heheee
攝影師 - Anson
其實我對 Anson 呢個名, 一 d 都唔陌生, 因為佢係 ml 出名影相影得好o既... 不過今次經我自己親身體驗過之後, 我都覺得 Anson 真係一個好好o既 camman, 果然好值得推介!!! 
今次影相成個過程, 我都覺得好開心, 我都估唔到自己可以咁快就投入得到, 都係全靠 Anson o既功勞!! 佢好識得帶動我o地既氣氛, 唔知點解, 佢就咁講一句 "係喇, 開心 d!!" 咁我同力先生就會笑得好燦爛, 呢一點, 係我自己都估唔到ga!! 仲有呀! 佢成日都會講: "加油呀阿力!!" haha! 我一聽到, 又大笑!! 
除o左呢樣o野之外, Anson 真係一個好有 heart 既攝影師, 你睇得出佢每影一張相, 都係絕對唔會馬虎, 而且真係會訓哂身, 碌哂地, "咬" 哂腰咁去攞角度影相, 真係睇到佢都辛苦呀...!! 而且, 佢仲會突然間有新 idea, 覺得咩 post 會比較識合我地, 而唔係一般個個都會擺既 standard post...
化妝師 - Irene
佢係一個好細心o既化妝師, 我 feel 到佢真係好細心咁幫我化妝, 而且佢仲幫我化到我對眼好精靈~ haha! 好開心!! 仲有, 佢好好傾ga~ 一d 都唔嚴肅, 我初初去到 ml 都仲係好緊張ga, 點知佢幫我化完妝之後, 成個人都鬆哂...! hahaaaaa
到 set 頭o既時候, 佢會比好多專業意見我, 話我知我識合 set 咩頭, 仲會係咁易 set 少少比我睇, 問我滿唔滿意, 滿意先繼續.... 大家都知我係一個有選擇困難症o既人, d 助手拎 d 首飾問我想要邊款o既時候, 我都唔知邊款好, Irene 就會勁好咁, 親先幫我去搵一 d 真係襯到我套衫既首飾比我, 所以我對佢, 係 100% 信任!!!
我影左 3 套衫, set 左 3 個頭, 講真, 3個造型我都超滿意!!! 我覺得好襯我!! 同埋 Irene 幫我襯o既頭飾, 真係冇得彈!! 真係好開心呀!!
攝影師助手 - Matthew
成個過程 Matthew 都好落力, 又醒目, 見佢全程都幫我地拎o野, 又幫我整裙, 又要 set 反光板, 又要成日擒高擒低 set 燈, 而且反應仲好快, Anson 一講, 佢就即刻收到, 配合得好好呀!! 仲有, 佢都有成日氹我同力先生笑 ga!! hahaa!!!
化妝師助手 - Cathy
我影外景既時候, 全程佢都貼身 "保護" 我 ga, 成日都關心我問我凍唔凍, 一上到船就拎水比我飲, 仲成日扶住我, 因為落雨, 個地下好滑, 而我又要拎住條裙, 所以佢都好擔心我會跌倒呀... 而且上岸去影鹽田o既時候, 好醒目地幫我地噴蚊怕水, 因為我真係唔記得o左要噴呀.. 如果唔係, 一定比 d 蚊咬到變豬頭... !!
所以今次我影呢輯婚紗相真係好好好好開心呀!!! 真係一個好難忘既經驗... 而家我終於都明白到, 點解會有人影婚紗相影上癮喇...!!! 最估唔到o既係, 連力先生都覺得好開心, 而家佢對影婚紗相一d 都唔抗拒, 佢都話好期待下一次補影 tim 呀!!!
仲有, 今次最最最值得一讚o既係 --- 力先生!!! 我今次係第一次真真正正感受到力先生對我o既呵護同體貼呀.... 我真係估都估唔到佢有咁o既一面wor! 佢由頭到尾都好細心, 又成日扶住我, 仲幫我拎裙尾, 行出行入都會扶住我, 仲會成日細細聲咁叫我小心 d, 當我擺完 d 訓地o既 post 之後, 佢都會好醒目咁扶我起身... hahaa!! 真係完全估佢唔到呀!!!
Charlotte 2009-10-26 22:30
我琴日影完啦~~~一切順利~~~天氣唔錯啊~~~
好倦,但好開心~嘻...不過要等三個星期先有相睇啊~~~
JaJa ME2009-10-27 10:07
一切順利就好喇~~!! 影相真係會好開心ga!! 哈哈~~
要等3個星期?? 點解要咁耐既..?!?!? 不過你記得記得揀完相問佢借相辦呀~~!
Charlotte 2009-10-20 15:31
多謝你既鼓勵啊~~~~^^
順應天意啦~~~~
JaJa ME2009-10-20 16:56
冇錯~~! HAHAH!! 祝一切順利~!!!
Charlotte 2009-10-19 19:50
多謝你既回應啊~~
唉...好可惜...黎緊既星期日好大機會落雨...我之前喺台灣嗰輯已經係落雨啦...
今次真係好希望可以影藍天....但剛打去改期,好可能要等到一月先有,超唔開心...到時肯定涷死我....最慘係,我已經喺出面訂左花...唔知人地肯唔肯LAST到一月...
JaJa ME2009-10-20 09:22
我都係影左兩次ga, 第一次都係因為落大雨, 影唔哂外景, 要補影多一次外景呀.. 不過咁樣我又可以多一個造型wor, 其實都未必係一件壞事黎既....
同埋11月既天氣應該都 ok, 唔會話好凍, 因為我係11月尾結婚丫ma~!! 同埋天文台有時候都係流流地, 唔可以盡信ga, 你星期日睇下個情況先啦, 可能唔係整天都落雨呢~~!
花球果度, 如果你真係要補影, 咁你就真係要訂兩次, 呢樣野真係冇計... 不過信我啦, 影兩次, 係值得ga!
Charlotte 2009-10-19 00:38
你好~我今個星期會去影,我想請問下,化粧師係咪免費幫你換三個化粧&造型GA? 係咪每次補妝返影樓呢?
謝謝~希望盡快得到你既REPLY啦~~~THX SO MUCH!!!
JaJa ME2009-10-19 10:29
你好呀!! 化粧師會幫你 set 幾多個造型, 咁就要睇你個 plan 包 d 咩喇, 因為你張單上面, 應該會寫明包幾多個造型既~ 不過呢, 妝佢就唔會點樣大轉, 最多都係同你轉個 eye shadow, 不過髮型呢, 佢地就一定會幫你轉既, 通常都係一套衫, 就有一個造型咁樣囉~
補妝方面, 就要睇你 join 咩 plan 喇, 如果你係 join la mer 果 d plan, 佢會有個女仔助手跟你出去, 幫你補下妝, 同埋執下個髮型, 如果你唔係 la mer plan, 一般都係影完一 part 一套衫, 先返影樓補妝既~
希望幫到你啦~~
SKII 2009-09-09 23:50
Hihi Jaja ME
We had a wonderful time on the wedding photo taking this Monday ar.
Thanks for your advices!
JaJa ME2009-09-12 16:38
Hong Kong Steven 2009-09-03 22:28
Hihi Jaja ME
We are SKII. Nice to meet you. Seeing a lots of your happy experience from your blog ar.
We would take our wedding photo by next monday ar.
Anything we could prepare ?
JaJa ME2009-09-05 18:11
哈哈, 都係大家分享一下, 有時間歡迎多 d 黎坐下..
你下個星期一影相? 其實都冇咩特別野要準備, 女仔都係要帶 girdle, 花球之類, 咁再睇下個 plan 包唔包咩眼睫毛, 乾濕粉卜, 如果唔包就記得自己帶埋, 同埋女仔可以買 d 鮮花去做頭花, 影出黎既效果會好好多, 仲有婚紗 or 晚裝鞋都要帶
而男仔, 就要帶恤衫, 如果大汗既, 建議你帶多件替換... 同埋黑鞋., 仲有如果你有白禮服, 就帶埋白鞋囉... 其實男仔要帶既野就真係少好多...
希望幫到你啦
Wendy 2009-05-30 10:07
JaJa ME2009-05-30 10:53
Hello, 唔知點解 add 唔到你, 等我今晚返屋企再試下... (而家o向公司, 唔知關唔關公司部電腦事呢...)
係呀, 我係o向尖沙咀, 金巴利道既門市 join ga! 如果你真係有興趣, 你可以搵 rachel 傾下, 佢超好人, 佢唔會同你拖拖拉拉, 佢會比最好同埋你應有既 offer 你~!
P FERRARI 2009-05-14 14:41
A米 2009-05-06 17:03
Hi , 我星期日去揀相呀, 可以add 我嗎?
JaJa ME2009-05-06 17:09
hihi!~ 可以呀~~ add 左你喇~!!
A&N 2009-04-20 23:26
哈哈! 我已經收埋相啦! 你幾時收相呀?
JaJa ME2009-04-21 09:25
係呀!! 我後尾睇你個 blog, 見到原來你已經收左相喇, 仲影埋 MDW tim~~!! 我想講, 你好靚呀!! 輯相真係影得好好~~ 個個造型都好襯你呀~~!!
我.... 唉.... 因為我影相果日落雨, 而家 21/5 先補影呀... >.< 我 add 左你ga喇, 你可以睇返我有偷影左少少既相~~ hehee
A&N 2009-04-20 22:26
JaJa ME2009-04-20 22:29
hihh~~ 我 add 左你喇~~ 得閒黎坐下丫~~ 我覺得, ANSON + IRENE 真係 PERFECT 呀!! 你揀哂相未呀?!
Ys Design 2009-04-16 21:59
健力士 2009-04-10 15:08
可以add埋我嗎?我都有少少相share，得閒嚟睇下！
我都係irene幫我化，佢真係幾好，個髮型都係佢問我兩句有咩要求就幫我搞．我之前都想搵anson影，不過比人book咗，好彩後來個攝影師都幾好．
JaJa ME2009-04-11 00:41
飛‧月 - FLY to the MOON 2009-04-08 16:30
JaJa ME2009-04-08 17:03
多謝你呀!~~ 到時等你既分享丫~~!!
飛‧月 - FLY to the MOON 2009-04-08 15:46
JaJa ME2009-04-08 15:53
haha!! 係呀!! irene 同 anson 都好好呀...
我睇你個 blog, 你已經揀左相, 4 月尾就有得拎喇... 哈~ 到時記得 upload d 相同我地分享一下~~
我 add 左你做 blog 友仔, 因為我有幾篇係私有化左 (偷影)... hehe... 得閒去參觀一下丫~~!
Umi 海~* 2009-04-03 16:00
妳果樣好上鏡丫
我諗d相一定好靚啦
(p.s妳老公個樣好老實丫
)
JaJa ME2009-04-04 02:01
多謝呀.. 都係化妝技術高o者...
我都希望我 d 相會靚啦.. 不過有排都未有得睇 lu.... 
(haha!! 多謝呀... 佢個樣真係好老實咩..!? 好~! 我會轉告比佢知... hehe
)
tpygloria( pc9 ) 2009-04-02 12:13
JaJa ME2009-04-02 13:26
文尼 2009-04-01 22:12
JaJa ME2009-04-02 09:24
hahah....我初初出外景都唔記得帶ga.... (其實係 bf 辦事不力...) 係返到去室內景時, 先記得拎出黎影咋...
睡公主 2009-04-01 11:34
你男友就好啦
我男友成日都好唔合
星期一出外景
一聽見攝影師叫佢休息佢就 "yes"咁叫
一聽到話 last 兩張仲笑到見牙唔見眼
JaJa ME2009-04-01 12:24
haha!! 你 bf 咁攪笑o既... 我 bf 都好怕影相ga! 咁所以我之前就同佢講, 如果佢表現唔好, 就會重影!!! 可能佢係驚要辛苦多一次, 所以佢好合作丫... hahaaa
homemiss 2009-03-29 23:09
你真係sweet，影得又開心又滿意．．．
我男友就無你男友咁醒目，不替我攞裙尾都算，起身時好多時各顧各，搞到都係個camman或個助手扶我咋，等我今晚打電話詐下佢型先得～
JaJa ME2009-03-30 09:34
哈哈... 多謝呀... 今次真係影得好開心呀!!
唔好咁啦, 我男友今次真係佢既 "佳作" 呀!! 佢真係冇乜幾何咁醒目ga!!
粉小姐 2009-03-29 22:42
Good ar.......ML 真係唔錯!!
JaJa ME2009-03-30 09:30
H for Honey 2009-03-29 21:05
個日我都打算你拎facebook / blog，點知走個時已經唔見左你lu~
點解你要等到21/5，因為ml無期????
JaJa ME2009-03-30 09:24
haha!! 係呀係呀!! 咪就係我囉~~ hehe~ 咁都比我地搵返對方~~ 係呀, 我走o既時候, 其他 couples 都走哂喇...
本來佢比左 7/5 我, 因為我自己公司請唔到假, 所以要再 delay, 一改, 就改到 21/5 囉.....
H for Honey 2009-03-29 20:33
我3.27去影，因為落雨呀，外景真係影唔到，依家約左4月尾再補影呀，有排都無相睇
JaJa ME2009-03-29 20:56
hahaa!! 我認得你呀!! 我都係 27/3 影 ga!!! 我係幫你揸機影相既女仔呢... 記唔記得呀..?! hehee 你就好啦, 4 月尾就有得補影... 我要等到 21/5 先有得補影呀!! 我 add 左你做 blog 友, 你可以睇返我之前幾個有關 "影相日" 既 blog 喇~~ haha
Queenie & Joe 2009-03-29 16:47
你而家已經咁滿意, 見到d相果時仲得了既~ haha...
JaJa ME2009-03-29 17:38
文尼 2009-03-29 10:46
haha....岩岩睇返你之前d post,我見到你d 相喇~^^
你就好啦~影到咁多張~ha...早知我都隨身帶相機啦~haha~
JaJa ME2009-03-29 17:37
文尼 2009-03-29 09:48
hehe.....睇到都知你真係vy vy vy 開心啦~相信你第日d 相一定靚爆呀~
o...你咁叻呀~可以偷影到~hehe...可以都比我睇下ma~~hehe....我都好想睇下你個靚樣呀~~
MeowBei 2009-03-28 22:49
好想快d睇相呀, haha
JaJa ME2009-03-28 22:56