Kitty Lab x Mcdonald 2009

首先, 我要多謝小 Pink 30/6 話我知, 1/7 m 記有 Hello 米米換..!! 如果唔係, 我舊飯咁, 一定唔知啦!!!! 比我知道o左, 我呢個 Hello 米米 fans, 又點會錯過呢..?!

1/7 晨咁早 (10點) 我就同阿媽一齊出門口, 佢去酒樓攞位, 我就去帶 Hello 米米返屋企~! 點知, 我去到置樂間 m 記, 我排隊買啦, 到我既時候, 以下就係我同個 m 記哥哥仔既對話:

m記: 小姐請問要 d 咩呢?
我: 我要一 SET Hello 米米丫唔該
m記: 唔好意思wor, 要買野先得 wor....
(因為以我o向 m 記買一 SET 既經驗, 係唔需要買任何食品)
我: 唔係wor, 以前明明唔洗買wor....
m記: 咁... 小姐你等一等....
(呢個時候, 佢行左去問個經理)
m記: 小姐, 唔好意思呀, 真係要買一樣野先得 wor..
我: 哦, 咁冇所謂啦, 你比杯幻奶茶我啦
(嘟.... 佢收左我八達通 $9...!!)
呢個時候, 佢再叫我拍卡, 話買 Hello 米米要分開兩次收錢, 咁我望一望個 mon, 佢打算收我 $20...!!!! 開始激動, 因為我好肯定, 佢聽錯左我講..!!!!
我: 我要一 SET 呀!! 唔係一個 wor!! 一 SET 有齊哂咁多隻, 仲有一隻特別版...!!
呢個時候, 佢又行開左, 去問同一個經理, 個經理超一超我, 擰擰頭, 我都心知不妙... 之後呢個 m 記哥哥仔行返黎...
m記: 唔好意思呀小姐, 已經賣哂喇...
我: o下..?! 賣哂..?! 咁快..?!?!? 咁... 咁... 咁... 我唔飲奶茶囉..!!
之後佢退返 $9 比我, 咁我拎住呢 $9, 好失望地離開左 m 記........

之後我打比力先生, 好唔開心咁話佢知我買唔到, 佢竟然同我講: "你等我返黎, 車你去第間 m 記搵啦..." 呢個時候我心情已經好低落, 佢真係唔識氹人...!!! 激死...!! 我答左佢一句: "等你返黎, 蚊都訓啦...!!"

之後我突然間醒起, 美食廣場都有一間 m 記, 我心諗., 果間 m 記開 10 點, 而家先10:30, 應該未換哂掛.... 咁我就急步往美食廣場出發!!!

去到美食廣場, 我見到有一對小情侶坐o向度嘆緊早晨全餐, 旁邊放左好大 pack 既 Hello 米米...!! yeah!! 即係仲有得賣啦~! 咁我第一時間就捉住一個經理問佢仲有冇, 哈哈!! 佢好出奇咁望住我, 然之後答我 -- 仲有..!!!!!!

就係咁, 我就帶左佢地 6 個小 Hello 米米返屋企喇~~!!! hahahaha