My Birthday (Part II)

我食完飯返黎喇~!!!  (其實我 9 點幾已經返左屋企... )

雖然今日我生日都仲要返工, 不過冇所謂啦~ 我既生日有咁多人一齊陪我, 真係好開心呀!! 今日真係完全冇 mood 做野~ haha 按章工作~~!! yeah!!

仲有, 今日 3 點幾, 我老細無啦啦走出黎搵人陪佢傾計, 咁我見佢心情唔錯, 當然打蛇隨棍上, 成機屈佢請我地食下午茶~~!!  我同佢講, 叫佢請我地食 "33", 佢反問我, 做咩無啦啦要請, 我話 -- 因為我今日生日囉..!! (呢個時候, 有個唔識死既同事 "c 小姐", 佢好驚訝咁問我: "o下, 你今日生日呀?! 做咩你唔放假, 仲要返工呀..?!" 我真係比佢吹到我 bear 一聲...!!  你估而家我好想返工ga?!!!!! 呢個時候, 我個好絕仔既老細, 佢又再一次出聲: "hey, 你唔好咁蠢先得ga! 呢 d 咁既問題, 叫人地點答你o者...!! 簡直係, 問黎都多餘:...!!" 就係咁, 老細就比我屈左請食 tea... haha! 多謝~!!

今日搭正 6:00 我就衝出門口, 因為力先生已經好乖咁, o向我公司樓下等緊我~! 因為我千叮萬囑, 如果佢遲到, 佢會死得好慘...!! hahahahaha!!!! 放工前幾個鐘頭, 力先生已經問左我想食咩... 我當然扮哂野話冇所謂啦...  佢比左3個 choice 我:

1. 上海菜 - 王家沙
2. 韓國菜 - 唔知邊間韓燒 
3. 日本菜 - 加太賀

我一聽到, 第一時間我已經 reject 左韓燒, 唔鍾意燒, 唔鍾意咁多肉... 之後我都未決定到食咩.. 咁我突然間醒起想去食一間寶寶介紹過既西餐廳 -- Pink Salmon, 我話比力哥知, 佢問我間野食咩, 我話食 "扒", 佢話佢唔想食三文魚扒, 咁我話, 呢間野, 唔係得三文魚扒食, 仲有其他西野食... 呢個時候, 力先生又玩野...!! 佢話, 間野叫 pink salmon, 唔係食 salmon 食咩呀?! 我即時反問返佢, 咁我想問 -- 你話去食王家沙, 唔通果度係食沙ga?!

最後, 我地既結論係... 去加太賀...!!!

上左車之後, 力先生一支箭咁, 就往加太賀方向出發..!! 去到附近, 我忍唔住問左一句, 而家 6:20, 你唔係打算而家食呀?! 我仲好飽, 唔肚餓!!!! 結果, 我地放低架車, 就去 "紅磡廣場" 行左一陣....!! 行到 7 點幾, 我地就去食飯喇...

一入到去, 力先生望到 d 野, 之後 "哎呀" 左一聲, 我即刻問佢咩事啦, 佢就指住牆上面有張告示 -- "6月份生日優惠 !! 凡6月份生日的顧客, 均可獲贈價值 $118 之壽司蛋糕一個 (雖最少一日前致電預訂)" 睇完之後, 我都 "頂" 左一聲...!! 激死...!!

不過, 了解我既朋友們, 我又點會放過呢個機會呢..?! 就算我知機會好微, 我都會用我三寸不爛之舌去 "r" 個壽司蛋糕返黎...!! hahaha!!

結果, 我 lur 左好耐, 以下係我同個侍應姐姐既對話:

我:      人地今日正日生日呀.. 你送埋比我啦...
侍應:  唔好意思呀, 要一日前訂ga, 師傅冇預備, 整唔切比你呀
我:      我唔趕時間ga, 你叫師傅慢慢整啦, 我等得 ga, 等幾耐都等呀...
侍應:  咁我再幫你問下啦....

結果, 當然就係 ----> 成功啦~!! yeah!!! 哈哈~~!! 加太賀係一間好老實既食店!!!

刺身船

雞軟骨

呢個就係 "壽司蛋糕" 喇~!! 好認真 ga!! 有埋 candle ga!! hahaa

切 "蛋糕" 之前, 力先生 solo 左首生日快樂歌送比我 ga!! hahaha

食完飯, 我地就去左我地既拍拖勝地 -- 黃金海岸浪漫一番~~!

多謝力先生..!! 我愛你..!!! 能夠嫁比你, 真係令我感受到相當幸福.....