保加利亞出現UFO呀!!!!

獨闖保加利亞, 比想像容易, 可能因友人介紹一位地膽George俾我識, 去了許多奇特地方, 本身保加利亞已夠神秘, 某日George駕車上了一個叫Mount Buzludha山頂, 話介紹一個全國最醜陋建築物, Oh!抬頭望係一隻飛碟形物體, 好科幻, 不太ugly, 反而幾retro, 原係廿幾年前共產黨開大會之地, 其後荒廢了, 成為George兒時樂園, 可惜日久失修, 變成廢物! 

近睇滿地馬屎架!入口刻有保文, 大概係團結就是共產力量之類嘅口號, 我地偷偷地從側門爬入去, 踩住碎片同爛地氈, 石屎剝落見鋼筋, 好似危樓咁!但個種冒險feel又幾刺激, 沿樓梯再上, 不得了, 係一個超巨大廳, 天花好似想榻落黎, 好彩頭頂有大大個紅黃共產icon撐住,牆身殘存用磁磚仔砌成嘅共產畫像, 依稀感到個種堂皇!

唔明點解保加利亞唔開發呢隻飛碟, 阿George話上年東德有人想改建成共產黨博物館, 但被當局reject, 另願荒廢一世. 如果係我, 一早改建成共產主題酒店, 大把愛國愛黨人士爭住黎住啦!