網誌分類：未分類 |
圖片
網誌日期：2009-06-20 02:22
出發前, 刨完本Lonely Planet, 必去Rila修道院, 開頭以為係一間普普通通老教堂, 去到先知成個建築好特別, 多石柱多拱門, 幾層高的修道院圍住中間東正教堂, 中間設計加洋蔥頭, 好鬼神秘! 教堂裡裡外外都係聖像壁畫, 我估d修士要年年翻新, 因為幾千年來d畫仲好清晰, 有部份好似漫畫格咁講故仔, 睇唔明d古文都get到咩意思, 好colourful好得意, 總之好值得去!
遊覽修道院要成大半日, 中途求祈去間local餐醫肚, 當地出名yogurt, 導遊問侍應有無, 佢猛咁拎頭, 原來保加利亞人拎頭代表yes, 點頭反而say no, 同我地完全相反, 笑完一輪叫咗個yogurt煮蛋, 個樣似早餐多過午餐, 三隻水煮蛋加埋大碟稀yogurt, 再加d芥花籽油, 原來好鬼飽, 味道試完一次就夠個隻咯!
返回首都Sofia, 趁太陽未落山, 八點仲鬼咁光猛, 咪上街遊蕩下, 發現佢地d交通警响主要十字路口仲有站崗, 凌空一個玻璃間亭可以一眼關七, 依我所見, 三五成群, 打牙較多過指揮交通咯!
唉!共產出生的國家, 都有共同陋習, 做又三十六, 唔做又三十六!
