印度坐毛毛蟲遊河

夏天熱辣辣去印度, 只有一個原因, 貪Jetairways機票夠平, 於是去咗個比較無咁熱的水鄉Cochin, 在印度南部, 最過癮係坐當地古老漁船遊Back Water過夜, 又唔駛郁又有涼風吹, 仲有管家廚師standby, 幾歎架!條船遠睇似毛毛蟲, 船頭又似烏蠅眼, 隨住條河慢慢飄流, 得閒停埋一邊食tiger prawn, 一時又上岸遊小村落同天主教堂, 最奇趣係個個男人炎夏裝扮, 用條布纏兩轉再兜上膝頭抖涼, 變相著咗短裙仔一樣, 上身襯恤衫, 型晒!

其實河兩岸有好多野睇, 一朝早見到村民坐住大筲箕網魚仔, 好牙煙甘! 又有魚夫趕大群鴨仔, 呢邊婦女在河邊洗頭沖涼, 個邊小朋友跳落河大游特游,  仲有人洗衫洗碗, 見盡唔同的生活百態.