復活節假期 - 第一次去南丫島

2009年4月12日 星期日

復活節期間，努力咁帶旦旦四圍去, 經過4日的training, 佢而家唔驚人了!

假期其中一日去咗南丫島, 對於我同佢嚟講都係一次挑戰, 因為實在太多人, 長途跋涉兼舟車勞頓, 第二日我手同腳都覺得好痠痛!

諗住著條短褲等佢涼爽啲, 點知果度好多蚊, 差啲益晒啲蚊, 好彩有帶蚊貼, 頂得住!

子晴姐姐好活躍, 一坐埋一齊即刻想攬住旦旦, 好熱情!

子晴姐姐只係大旦旦個半月, 但頭髮長, 望落好大個, 成個小朋友咁!但係好鬼得意!

與適哥哥大旦旦一年有多, 但無乜交流, 佢好似對旦旦全無興趣!

旦旦, 明明預你坐車仔, 但你竟然扭計要抱, 仲要媽媽抱, 你知阿媽呢日有幾攰, 手都軟埋! 仲要一度行, 一度睇實有無蚊蚊叮你, 好忙!