九月九日東京遊@怒拆蟹腳補腳力

零九年九月九日 , 陳家三姐妹又鼠左去東京四日 , 今次因為係坐凌晨機既關係 , 所以大家既裝扮都有咁輕便得咁輕便 , 重要係四眼近視素顏上陣添

睇下左手面果位女子 , 已經急不及待咁除左對鞋 , 真係典型既香港師奶呀!

朝早五點幾 , 安全到達東京羽田機場 , 天氣好到不得了 , 初時重驚佢打緊風 , 會落大雨添

今朝PLAN左去入貨 , 但係公司未開門喎 , 都係食個早餐先啦

都話SHOPPING既女人既天性 , 雖然噚晚一晚冇訓 , 不過都唔覺得眼訓喎 , 買下買下又到食晏既時間 , 為左慳我地寶貴時間 , 我地去左松屋食左個好好味既辣泡菜溫泉蛋豚肉食 , 要有D飯落肚先有氣力去同日本仔死過架麻

成朝都係入貨 , 所以都冇咩影到風景 , 睇怕你係香港到唔會影自已行百貨公司掛??

所以鏡頭一轉 , 又係晚飯既時候 , 為左慰勞我地既一雙腿 , 我地決定今晚去食蟹去補補佢先

都話日元高企啦 , 七點幾去到 , 我地得三個人都開左間房俾我地

每次都必食既蟹膏 , 好味到真係要連葉都Lum埋~~唔好o徒呀

鮮甜既蟹腳

蟹腳剌身

呢個好野呀........

芝士薯仔忌廉焗蟹肉

蟹肉茶碗蒸

蟹腳紙火鍋

自燒蟹腳 , 生熟程度自已話事

呢兩塊年糕 , 原本係俾我地放湯既 , 不過我地鍾意燒脆佢黎食!!!吹到負責招呼我地果個嬸嬸啤一聲 , 不過我有我態度 , 燒黎食都不知幾正

呢個唔係蟹湯 , 係蟹飯 , 席前即煮~~

嬸嬸話三十分鐘後有得食

一路煮一路聞到好香既飯+海鮮味....好期待呀!!!!

唔多唔小三十分鐘 , 飯剛好熟 , 熱辣辣 , 正呀

蟹蟹天婦羅

兩款蟹既壽司

炸蟹棒 , 連殼都食埋

啖啖肉......正到冇朋友

蟹清湯

由頭食到尾都係用蟹整既菜式 , 不過甜品就唔係喇 , 我同艾美要左綠茶雪糕

二小姐就要左雪米滋 (返黎睇相先發現 , 原來墊住甜品果張紙都係蟹型架!)

成晚冇訓 , 又行左成日 , 我諗如果斬我對腳兩刀 , 我都應該冇咩Feeling , 途經藥房 , 買返D補品攪攪對腳先 , 今日先弟一日 , 唔好咁快玩殘佢

沖完澡 , 一放平個身就即時不醒人事 , 較左鬧鐘7:30A.M.起身 , 聽日再繼續我地既血拼之旅................

(待續)