豪仔記 + 海記

o係深圳返香港, 繼續食食食  又去老地方食美味o既灼蝦炒蜆

仲有蠔仔粥, 椒絲腐乳通菜同椒鹽田雞

成檯餸, 結果梗係食唔晒啦, 剩返幾舊田雞同1/3碟菜, 麻煩SunSun打包返屋企

飽都要去食甜品  第一次幫襯呢間自稱甜品專家, Comment係差差差

Jessie的合桃糊, 普普通通

我原本order凍綠豆沙, 點知攞到黎成碗野係灰色的, 完全唔似係綠豆沙 (最衰唔記得影相), 面層仲要係已經凝固左, 要用匙羹畢起先可以整得開, 有 d 似啫喱狀, 底下果 d 係半凝固o既綠豆, 一 pat野好似 d 糊仔咁 佢地應該係將成碗綠豆沙放入雪櫃雪左好耐,  d 綠豆沉晒底, 而 d 水就雪到凝固左 當然要投訴啦 個化到個妝成個藝妓o既女人同我講話凍綠豆沙係咁架喎, 無問題  咪講咁多啦 快 d 換個碗黎 不過轉左要熱o既, 味道一般啦, 不過總好過食果碗凍綠豆糊  

阿Sun想要淨涼粉, 個藝妓女人話淨涼粉係無糖水o既, 係無味o既, 唉 ...糖水都無, 仲衰過金加利隨餐附送o既飯後甜品, 結果就order左椰汁涼粉, 食晒 d 涼粉, 淨返晒 d椰汁

真係食一次就夠, 以後唔會再幫襯