貽情盡興:男人最鍾意背住女人做咩？

貽情盡興:男人最鍾意背住女人做咩？

女人最不能接受的事實是：男人背你是另一個人，網上是另一個人，女同事面前是另一個人，舊情人面前又是另一個人。

沒有一個女人能完全看清男人的全部面向，尤其是老婆。因為通常老婆都只看到老公好的那部份，陽光照射不到的陰暗位，只有見不得光的身份，例如情婦二奶第三者，才能鉅細無遺看得見。因此，這位置的女人，才比較立體而全面地看到這個男人的好與壞，而教她們迷、不捨得離開的，就是因為男人的時好時壞。
有時候，當第三者，並不因為這位置風光獨好，不過是景觀較開揚罷了。在這位置，男人背住女人做的事，她們都比較能看得見。

打飛機
一定會做的事。太重要了，所以放在最頭。男人不明白，為甚麼同居女友或者妻子那麼討厭、抗拒他們背她偷偷打飛機。對女人來說，這是側面質疑她們的吸引力和重要性的有力證明，但對男人來說，打飛機和打機，其實都很像，不過是用來打發時間和減壓罷了。

跟ex 聯絡
十個男人九個背女人都會做的事。msn 又好，見面都好；主動又好，被動都好……打飛機也許還能忍，但跟ex
聯絡這心癮，實在無法抗拒。

喪打機
女人問男人做咩無精神，噚晚唔係一齊收線覺咩？男人支支吾吾，查實收線偷偷開機打，爆唔到死唔熄機，咪天光。打機乃男人情意結，死症。冇得講。

玩電器
男人對機器的耐性比女人好，能長時間沉迷其中。不管是玩相機、Hi Fi 、煲碟、電腦或者任何能入電的東西，摸來搞去，樂此不疲。

睇鹹帶
無論有冇受過高等教育、本身質素高低，或者性生活正唔正常、滿唔滿意，男人都鍾意無無聊click 上鹹網睇，素人自拍、明星走光……

玩公仔
大把麻甩鍾意拎住萌系公仔衫除衫又摸又砌，扭蛋又好figure 又好，如癡如醉，對住女友都冇咁溫柔，嚇死。

翻睇周星馳
次次睇親都比女友嫌，但男人其實好鍾意自己一支公無無聊睇番周星馳舊戲。但女人每次見到都會鄙視地「唼」一聲，同埋話男人白癡。女人唔明男人點解成日翻睇周星馳，男人都唔明女人點解成日翻煲《Sex
and the City 》。

人體奧妙展
冇女人響身邊，男人好鍾意盡情un 腳、兀凳、唔拖鞋四圍踩、唔沖廁唔洗手跟手仲拎食。男人一個人時候好鍾意用手指搣鬍鬚，唔俾女人幫佢擠背脊暗瘡，但就自己用手亂擠酒米。

做壞事
sms 同異性flirting 、偷會第三者、扮單身約女同事、朋友或者網友出食飯睇戲，都係男人背住女人會做事。部分低質素男人好鍾意偷偷骨唱邪K
北上跳舞甚至叫雞。驚未？

咩都唔做
基本上男人背住女人最鍾意做又最多做，就係咩都唔做、發呆、攤屍。男人唔明，點解女人一知道男人無做一得閒就default
要陪佢，唔陪就係罪，所以男人欺欺瞞瞞，可能都只係為可以咩都唔
做，咩都唔諗。難得清靜。

聰明的男人，只是盡量擴大並展示自己的光明面；然而聰明的女人，卻是懂得不去發掘男人的陰暗面，同時裝作自己亮麗簡單，沒有陰暗面，讓男人放心。