快樂無罪

己經好耐無update個blog. 冬至睇完我最愛的三角劇團<<快樂無罪7 ~Why So Serious>>. 忍唔住要分享下. 不過我呢個懶人, 懶到2009…懶到今日先滴起心肝寫野.

  <<快樂無罪>>系列做到第七個年頭, 我錯過咗前六年的精彩演出. 今次之後, 我實在唔想錯過呢個劇團的演出. 由第一次欣賞的<<勁金歌曲>>到<<愈痛愈美麗>>再到<<快樂無罪>>. 睇完後都會有d感受. 真係會好好哋去想一想. 唔係睇完就算.

 今次的演出在麥歌利小劇場. 沒想過可以咁近距離欣賞佢哋的表演. 感覺好似置身其中, 好開心. 在此之前, 沒想過呢個場係咁正. 相信佢哋揀呢個劇場唔係驚無咩人睇, 而係要同我哋一齊互動, 分享. 場刊仲插有一支珍寶珠, 雖然係好少的禮物仔, 但這少少的貼心. 令人好窩心. 一個好有heart的劇團, 帶俾我好多正能量.

 2008年就好似坐過山車一樣, 經歷過高峰, 亦走進了谷底. 我哋經歷咗年頭的經濟繁榮, 人人消費好似燒銀紙…開心菓的離開…睇到了四川地震的振撼…北京奧運的驕傲…到金融海嘯的衝擊, 沒人幸免. 我哋既開心好似俾個環境氣候牽引著. 好彩有小丑, 紅姨荷媽精彩的演出. 有爆粗Band友俾我哋精神上的渲泄, 腋窩E既窩心撫慰. 將我哋係2008年的悶氣都帶走. 最後唱出一首<路一直都在>, 向前行, 一定會見到光明.

 沉悶鬱寡的2008終於完啦. 祈求新一年可以趕走這個悶氣, 2009向晴朗的一天出發.