大控訴(atv重播劇)--------未有Laughing哥、無間道、徐步高的年代

今次又推介一齣鮮為人知的經典劇：由4月28日凌晨3:30am《大控訴》

自一月重播《女媧行動》後，等了四個多月，終於等到《大控訴》了。

這是一套80年代頭的ATV警匪片佳作：

細個成日都將呢套同《女媧行動》撈亂，

今次都係正式第一次睇，同無記d警匪片完全唔同feel，

無咁多師奶婆媽o野，反映到各人性格缺陷同當時社會情況。

個個演技都好好,做差佬都入型入格,故事愈看愈有戲味

最大特色係那個年代已經講警隊內的黑暗面，

每個角色都有不為人知的陰暗處，甚至精神同性格有點扭曲，

睇到第五集，意想不到地方愈來愈多：

如砌生豬肉、毫不客氣問候投訴科、性變態警司、人格分裂幫板，

由黑變白的警察、警察與黑幫作出妥協等等

很多看來真實，但在今時今日，可能會俾人話政治不正確，甚至抵毀的橋段都一一出現

另外結局同《女媧行動》都有一個共通點：所有正派差不多死晒,好鬼震撼

仲有一樣值得看，她有非常多的實景拍攝，可以睇番當年很多景物，懷舊一番

演員方面：

黄植森飾演David Au的刻薄,與《女媧行動》的傻豹簡直判若兩人

秦沛的人格分裂演譯，可能俾左爾東陞靈感，去搵佢大佬做《癲佬正傳》

《大控訴》都是由徐小明監製,簫若元故事主編,李元科編導,

主演：王鍾、秦沛、梁小龍、張翼、黄植森、李影、李賽鳳、田雞--田啟文（最經典莫過如田雞飾智障人士）

主題曲：黎小田作曲、盧國沾填詞、威利主唱

又呼籲各位識貨之人,看看此劇集,感受以前麗的製作人的表現手法,一定有意外驚喜。

大控訴opening:

大控訴playlist:

觀後感：無論什麼社會、什麼年代都有黑暗面存在，

以前砌生豬肉，現在甚至在警局內強姦,隧道內三個警察互相開火，

現實絕對比電視,電影更殘酷和耐人尋味!!