公公 @ 家朗仔半歲生日

今日係爸爸生日, 我屈指一算, 剛好係家朗仔半歲大, 所以攪個細細地既生日派對, 其實都係自己一家人食餐飯而且, 不過已經好開心。 自從媽咪走左, 我同細佬又結左婚, 除左大時大節外, 好少會聚埋一齊, 諗番以前一家6口相處融洽, 係屋企大叫大笑, 玩到癲晒, 真係百般滋味在心頭。
 
望著白髮蒼蒼既爸爸, 冇媽咪係佢身邊比佢囉唆, 煮飯比佢食, 同佢去旅行, 每朝行晨運、飲早茶.....我感受到佢內心既寂寞和思念, 唔可以同心愛既人白頭到老係一件傷心和遺憾既事。係茫茫人海中能夠相遇和相愛, 係一種緣份, 能將緣份延續到白頭, 就要有福份才可,   究竟呢個世界上有幾多對夫婦有呢種福份, 可以「白頭偕老」??.......... 我同朗爸又有冇福份可以一同走到白頭呢??

爸爸每次見到家朗仔都會好開心, 都會笑, 我暗自的告訴自己, 以後要多d時間陪佢, 等佢開心d......

好肉緊咁咬....咬! 咬! 咬!