失落的心情

heehee...邊個話好男人唔會有驚喜?? 好男人都可以有驚喜~

正式向各位宣佈, KK已經係8月16日晚上於澳門金都酒店向我求婚了.  而我亦都好快地答應. , 至於佢點樣比驚喜, 點樣求法...我當然唔會係度同大家講啦, 呵呵~

第一個話比媽咪知, 佢竟然無反應.  一點都不驚喜, 從澳門回家的晚上, 全家人都訓哂覺, 無人等我~~當然係有小小唔開心, 點解個女結婚, 父母都唔高興呢?

第二日KK自己打電話比媽咪, 媽咪都係無乜大反應.  KK仲誤以為我媽咪唔鐘意佢TIM, 傻豬~ 跟住媽咪就打電話比我, 話我無用, 咁快就答應...佢好失落

開頭我都唔明失落係咩意思, 唔捨得我? 唔想我咁早嫁?  周圍同朋友講, 相信失落的原因有以下2點:-

1) 唔捨得我 (自問平時我係屋企都幾嘈, 可能覺得我搬走左佢地會好靜, 好悶)

2) 覺得自己年紀大啦 (會想當年, 自己個女好似摛日仲手抱, 咁快就大個女, 要嫁人)

番到屋企, 同媽咪爸爸傾計...佢地都話唔知點解失落, 媽咪話失落到跌左落地下, 爸爸話跌左落街tim...但一方面又覺得我搵到個好男人, 又好開心...個心情好複雜, 解釋唔到比我聽...雖然我唔係話十分明白, 但我聽完真係好感動, 屋企人鍚我我一直都知道.  但去到呢刻我真係深深咁感受到...

多謝你吖..媽咪爸爸~