珠海睇中醫

今日約了ada 去珠海睇中醫，我其實都好驚架, 因為未試過1個人去澳門碼頭，我最怕就係坐船, 同埋上船..因為那塊鐵板雖然係將船與岸口連接了, 但佢都會郁郁下咁..所以有d 驚..係我呆一呆的同時就..俾它整到隻腳趾啦~

當時上船時間係11點04分, 開船時間係11點15分 , 正常到澳門碼頭時間係12點15分 (最遲) , 但我落船的時間係...1點..未計過關, 因乜解究咁耐呢, 我在想..係咪頭先大浪, 隻船浪浪下.. 又為了安全開慢了呢... 加上船隻泊唔到位等其他船隻走開.. 這都要時間... 到了碼頭過晒關就會合ada, 之後佢就帶我去坐巴士 (唔洗錢) 去到金沙賭場再在那裡坐巴士去關口(唔洗錢) ... 真方便, 跟住就過關... (當時我又唔記得要唔要寫form wor) ada 話唔洗就直行, 之後過埋珠海關.. 我仲在澳門關拿錯證, 我拿了回鄉證呀, 哈哈.. 跟住齊齊過關後就去食野, 去了間cafe..唔知咩的店, 食台灣四川野.. 我因為趕時間就叫了個拉面加珍珠奶茶算.. (total 36蚊) ada 就叫了個水煮魚片飯 , 有菜有湯都係25蚊咋..真係抵到.. 由於水煮魚片係辣的, 我係勁想食但一直都食唔到的.. 後尾佢叫我試下.. 跟住我就愛上它了.. 我好想再食呀.. 佢話佢叫錯了.. 唔應該呢個咁趕的時候叫呢個飯, 因為佢俾魚骨骾過, 所以食親魚都要d 時間.. 揀骨.. haha 終於佢都冇食晒.. 我就食得多了..

最後埋單了.. $63..我左計右計都計唔到呢個價錢, ada 又俾了錢.. 後尾我問點解會係$63gei, 後尾佢就要求睇返張單先知佢地收我們濕紙巾的費用.. ada 話"頭先已俾返你們啦, 我們冇要過wor" 佢地先去check 下..好像唔想俾返那2蚊我們咁囉..

之後繼續我們的旅程, 食了野就坐的士去前山巴士站, 因為間野在巴士站的後面, 名稱係"無限極" 上到去大約3點幾, 其實係遲了半個小時架.. 跟住個醫生係咁同我講野, 勁搞笑,佢問我好d 未.. 我話冇咩感覺, 佢話d 口服液有冇飲, 好唔好飲我話好難飲..d 中藥仲好飲過d 口服液, 佢話"下..唔係卦, 咁好笑?" 之後佢開始幫我整個膊頭, 好痛呀.. 佢係咁挖係咁挖呀.. 跟住又整條腰, 之後美龍骨, 跟住做返隻手, 我就叫佢唔好整我手指, 佢問點解, 我話明天要學琴.. 跟住佢就係咁問我學咩..ada 又好像好怪咁問我.. 因為原先我星期日學..家下因為要上去睇醫生, 就改了星期一學.. (其實都唔想).. 之後無啦啦靜晒, 我話"喂..講下野啦, 講d 野唻聽下,等我分散注意力嘛"

跟住佢問我諗住整幾耐, 我話1個鐘, 佢話點解唔整2個鐘, 我話冇錢, 佢問"你帶了幾多錢唻" 我話$100佢話"唉..我係因為你亞姨先計$100/hr, 點知佢帶了幾多人唻計呢個價, 真係蝕.. 我話"其實都唔係蝕架.."想解釋俾佢聽時, 佢就話原先係計$200/hr... 哈哈仲話下次會加返價wor.. (唔係卦, 我唔唻架) ... 後尾佢就話"你唔好咁吝嗇啦, 帶多d 錢唻嘛" 跟住就見到ada 開個銀包睇.. 醫生就問佢係咪睇下夠唔夠錢呀... haha..

一路做都唔覺得太痛..直到整隻右腳時..嘩..痛到我丫, 佢起勢咁挖我隻小腿, 之後又按d 穴位 (好像腳底按摩那種) 跟住就按又捽我d 腳趾, (逐隻逐隻捽.) 痛到我係咁叫.. 上次就痛到我喊晒咁口, 今次就冇喊..係叫囉.. 跟住就縮下隻腳咁, 因為頂唔順嘛....