DIY鐵板燒@銅鑼灣BangBangPanPan

DIY鐵板燒@銅鑼灣BangBangPanPan 091017(六)


大Monkey轉左新工,要請佢妹食飯.於是兩個月唔過香港一次既我地走到銅鑼灣新開既BangPanPan鐵板燒食晚餐.八點幾去到,估唔到要排隊,等左大約半個鐘先入座.

餐廳環境一般,四面牆都係白色.感覺欠缺一份親切感.

是日一行三人,叫左兩個鐵板燒,(原味+煙肉+魷魚+义燒+熟洋蔥),另一款係(咖哩+肥牛+蝦+洋蔥).

呢度既賣點係DIY.首先侍應會比一碗粉+製作法比你,攪好粉,侍應再望一望稀杰程度..之後每一程序,侍應都會過黎幫一幫手..


不過因為咖哩味果邊加左洋蔥,好厚..最後面燶燶地,入面先岩岩熟..總算合格..
鐵板燒味道一般,不過勝在可以玩下煮飯仔.而且侍應全程笑容面臉,服務一百分!!


整好之後,加醬都可以玩一餐.haha~


生日鐵板燒!!完成!!

除左鐵板燒,我地仲叫左雞肉芝士軟骨球,什箘褔袋,巨蜂提梳打,哈密瓜梳打.

雞肉芝士軟骨球($38),軟骨較大件,而且比較硬,芝士味好香,上碟時熱辣辣,半溶狀態,好味!


什菌褔袋($25),呢個絶對係比人呃錢..只係用鍚紙包住什菌,再用鐵板燒熟.燒完只係得少少可以食到.加埋一人一啖都無.味道麻麻,只係豉油汁加什菌...


巨蜂提梳打,哈密瓜梳打.飲品味道偏淡.而且無咩野氣.味道唔多得,又中招..

整體環境食物一般.服務細心有禮.想自煮一翻可以去玩下~