終於過左一個新年.......非常繁忙的新年

由於二小姐o係年三十晚返左黎既關係, 而我又要忙於應付下個星期既考試, d時間真係唔夠用, 哩個星期簡直攰到想死....

年廿九返左學校溫書.....

原先年三十晚都諗住返去溫書, 但係結果留o係屋企大掃除, 同買埋d過年應該買既野 (其實年廿八已經諗住某人放假會o係屋企抹下屋, 洗下野, 哩個當然只係我妄想啦 )

年初一就去左家姐屋企拜年.....

年初二就返左自己屋企拜年......

年初三又要開工溫書喇......

年初四就真係開工喇, 夜晚又要返學 (聽聞今年初四開工唔好, 真係好想唔返架, 不過冇法, 為左保住個飯碗....)

年初五放工又約左d表哥同二小姐食飯......

年初六就勁喇, 二小姐果日約晒d model影相, 7點晨早就起身落左去join埋二小姐同爹地媽咪去studio, 影全家幅, 影到11點幾12就返學, 8點 放左學就趕入去沙田飲滿月酒......攰到唔知自己做咁乜

年初七又係晨咁早7點就起身返學校溫書, 晏晝上堂, 夜晚就落左TST同二小姐d 朋友食飯, 結果又搞到12點幾先返屋企, 我就死......

PS. 二小姐已經飛走左喇, 今次見唔到佢又好掛住佢既人請等多陣, 相信好快佢又會同大家見面架喇