網誌分類：點滴 |
尋日 11:30am 起身都係懶洋洋, 的起心肝將 d 牛尾出左水再加埋其他材料 (紅青蘿蔔蜜棗南北杏等等) 放入真空煲先.
食左 d 野, 開著衛視電影台想喺 sofa 瞓陣, 結果... 又係瞓唔著 
成日都係咁, 有得瞓時就瞓唔到, 要返工時就唔願起身 
洗左兩機衫, 乾埋, 摺哂擺哂入櫃, 再收起張被同換床單. 經過換床單呢個大工程後我已經好攰啦, 橫掂 19/6 係假期, 就等星期二先吸塵拖地洗廁所啦 
醃好左 d 牛展擺左入 freezer, 準備假期果日愛黎煮金菇娃娃菜.
"喼扒" 同 "喼扒嫂" 日遊完返黎, 問我出唔出去食晚飯. 都係唔好啦, 在家千日好 
飲左一大碗湯 + 湯渣做晚餐, 飽哂!
Pack 好左 5 包滷蛋同滷豆腐做今個星期嘅早餐 
沖完涼睇 ANTM 同 Ocean's Eleven 時仲有時間試下隻新 skinfood 指甲油添.
隻色又 ok 喎, 好難得自己搽都唔覺有痕, 咁就搽哂手腳嘞.
今日照常返工, 點知同事 "波" 臨時攞 a/l, 另一個同事 "阿路" 又無啦啦 s/l, 得番我一個 commercial 人 
好彩無乜特別事發生, 同大老闆 "丙羊" 個會 postpone 到 7 月先開, 老闆 "阿爹" 都無搞住我, 等我有時間執番正同 update d files, 要黎服侍其他 team 嘅同事, 解答下佢地嘅疑難.
然後就輪到我搞番 "阿爹" 轉頭啦 
佢上星期五放假時我出左個依貓俾 "媽咳停" d 人, 好有禮貌咁叫佢地 consider 下做 d promotion, 因為繼美加之後, 我又幫公司 fight 到做 "西冷扒" 全球第一個 3G 同 HSDPA 漫遊 partner! "丙羊" 成日話我地做左野唔出聲, 人地唔知就損失左 d 宣傳機會. 其實平時有乜野特別我都喺 d 依貓度雞乸咁大隻字 bold 哂話俾相關人等知, 係佢地唔做野咋喎! 咁我今次咪特別再出多次依貓, cc 埋 "丙羊" 囉. 點知 "媽咳停" 嘅回覆都係: 我地會 update intranet 架啦. 我頂... update intranet 有 Q 用咩, d 同事唔係有問題都唔會上去睇啦, 點會無啦啦上去睇有咩 news 呀? 上次 fight 到美加全球第一個 3G 同 HSDPA 漫遊都無大肆宣傳已經蝕架啦, 今次又係咁. 乜佢地諗唔到, 我地做到呢 d 野係會提高我地公司嘅 brand image, 令人覺得我地叻架咩? 我做到死死下又電話又依貓先氹到人地俾我地做全球第一, 佢地就闊佬懶理, 咁我咁搏黎做乜呀? 同 "阿爹" 講左呢 d 問題, "阿爹" 嘅結論都係想食埋 "媽咳停" 入我地度, 等有咩出位野我地都可以自己揸 fit... 算吧啦, 都係等下次同 "丙羊" 開會時反映下, 睇下 d top management 做唔做到野囉.
因為星期三朝早 "丙羊" 要向佢老闆 "周生生" 會報, 所以我要做好份 market intelligence (MI), 做完已經 6pm 啦, 先醒起要 check 埋 "媚美" 做果份 MI, 結果 update d info 到 7pm 先走. 我負責果 d 就搞掂哂啦, 其他果兩位仁兄唔返工做唔到 (查實 "米絲" 上星期已經通知左要 d updates 架啦, 係佢地無早早做好佢之嘛). 無計啦, 睇下佢地星期三朝嘔唔嘔得出佢地果份囉 
死啦, 仲約左 "仙媽" 全家 7:30pm 喺佐敦做節添 
拿拿林落去搭巴士, 好彩都唔係遲好多, 7:45pm 到.
去到酒樓前有件笑料 --- "阿爹" 突然打黎問...
"阿爹": 做乜你個 email set 左 out of office message 話聽日 office close 嘅... 
我: 咁聽日係公眾假期丫嘛阿老闆!
"阿爹": 係咪真架?
我: 係呀, 端午節丫嘛, 你 check 下個日曆? 真係紅日呀... 我地都奇怪點解你上星期五放假但唔放埋今日架啦, 攞埋今日假咪連放 5 日囉! 原來你唔記得星期二係假期, 今次你蝕啦!
"阿爹": (哈哈) 今次蝕章添!
有時真係覺得呢個老闆好鬼死得意架啫 
嘩! 今晚真係食番哂我成個星期以黎忍口無食嘅野: 冬瓜盅, 脆皮雞, 咕嚕肉, 蜜豆百合炒帶子, 清蒸大靚魚, 海參鵝掌... 甜品仲有美顏杏仁茶, 椰汁馬豆糕同生果盤! 真係食一餐又要節制起碼一星期啦 
搭巴士返到屋企附近個商場落車轉小巴, 途經吉之島見佢未關門, 就入去睇下佢結業前仲有咩執啦.
當時已經 10:15pm, 佢地 10:30pm 關門. 我呢個 "濕平精" "笨" 唔係浪得虛名嘅, 15 分鐘內掃左一個 "搓淫芙" "爸爸" ($160), 兩 set 微波爐食物盒 ($20 x 2) 同一塊英國牌子防滑防刮花膠針板 ($99) 
個 "爸爸" 咁快買到係因為我已經有果個牌子果個款, 已經知道要咩 size, 只係想買多隻色黎襯衫啫. 果 set 微波爐食物盒先抵呀, 一 set 4 件由大至細都係 $20, 最大容量 1600ml, 最細容量 260ml, 啱哂我要黎 freeze 起 d 餸同埋帶 packed lunch 返工啦 
聽日一定一定要唔開冷氣做清潔當做運動, 一定要, 唔可以再懶啦, promised 
