網誌分類：點滴 |
日日都諗到 d 野想寫, 但總係提唔起勁去坐言起行 
見我返工時間都可以寫下 blog 就知我呢排比較閒啦 
不過唔係無野做喎, 只係我手快啫, 同埋學會左唔好縱容果 d 曲街同事, 衰 d 都要, 自己的事自己做, 唔好乜都扮唔識要我做哂! 而家邊個先係 senior 呀, 下下都要問過我搏我唔抵得同佢做埋佢, 佢份人工俾埋我好唔好? 一係就 under 我丫笨... 等做 appraisal 時佢地就知死, 我一定好強烈地講出我嘅不滿 
老細, 你要識做呢 
23/5
本來約好左 22/5 晚送鞋櫃黎嘅, 點知間野 21/5 先打黎話 22/5 要下午送, 因為單少, d 師傅等唔到夜晚就要收工喎! 而家 d 服務態度真係... 上次 cut 有線已經係咁, 又係師傅要早收工等唔到我放工, 唔係要我請半日假去等你呀師傅? 咪玩啦...
結果就再約 23/5 7-9pm 送貨; 我一夠鐘就收工, 即刻趕返屋企. 返到屋企 7pm 左右, 好攰, 諗住佢都無咁早黎架啦, 喺 sofa 訓陣先啦... 點知鬼整佢, 今次又咁準時, 我剛剛訓著佢 7:30pm 就打黎話 10 分鐘後到 
黎到唔洗 10 分鐘就搞掂啦, 只係鑽兩口螺絲入牆固定個位, 咁就走人啦.
咁我咪落 clubhouse 買個酸辣豬頸肉飯食下囉, 點知拎到返屋企, 爬左兩啖就無胃口食嘞, 成盒擺入雪櫃等有胃口先食囉.
隔無耐"喼扒"就打黎, 係咁叫我出去話要同我呢個二奶食糖水 
我諗左一陣... 唉, 是但啦, 橫掂自己一個喺屋企都係吽, gogogo!!!
搭車出去時打左俾"喼扒嫂"備案先, 順便問佢要咩甜品, 等"喼扒"買外賣返去俾佢丫嘛 (你睇我呢個二奶幾錫大婆呢 
).
出到旺角, 原來"喼扒"仲同緊"包租樹"食飯, 咁我惟有去奧海城佢地食飯果度 join 左佢地先啦.
佢地食飽飽之後我地就去攞車, 真好, 我原來賴低左成個 folder 嘅 cert 正本喺舊屋呀, 咁啱"包租樹"擺左喺車, 咁我就順便攞番啦 (死, 俾人睇到哂我 d 私隱添 
).
跟住我就同"喼扒"去左深水埗松記嘞. 中途都有試過打俾"光頭人"叫埋佢出黎食架, 不過佢唔聽電話, 無計!
因為無食晚飯, 所以我叫左個楊枝甘露+豆腐花, 仲加多個擂沙花生湯圓, 好味 
食完果一大兜糖水, 真係飽到想 
. 外賣左兩個糖水俾"喼扒嫂"同"bb婆婆"之後, "喼扒"就車左我去牛頭角, 我再轉巴士返屋企 loo.
返到屋企又係同"文天祥後人" msn 到午夜過後先去沖涼, 沖完涼隔左一陣已經好眼訓, 但唔得, 難得佛誕公眾假期兼逢歐聯決賽, 我又點可以錯過呢?
等呀等, 終於開波啦. 我都係 biased 架啦, 有得揀一定捧英格蘭; 好可惜, 利記真係欠左 d 運, 上半場咁多攻門咁好機會都入唔到, 反而臨完場俾 AC 一個 22m 罰球搞掂左! 下半場 AC 愈踢愈勇, 無計啦, 最尾 2:1 完場. 其間"喼扒"係咁同我 sms 傾波經, 因為佢怕嘈醒 bb / "喼扒嫂" / "bb婆婆", 連電視聲都要 mute 左先睇得. 哈哈... 做左人爸爸係要犧牲下架啦 
wow, 話咁快又收得工, 等我呢兩日唔懶時再 update 啦!
