一個星期天

昨天我早上起身後，媽媽煮了咖啡給我，由於是賀歲盃的關係，我沒有陪同她去探婆婆…不過都會等佢一起出門。

到了沙官，見到樂叔，一個很久沒有見面的人，大家見面寒喧幾句，感覺很像很熟識的朋友…

見到湯丸、Kenny、雪兒、啟佩、阿豪這班隊友，她們都精神抖擻，嗯…相信勝數都很大呢…哈哈！果然，天公造美…一個陰天，賀歲盃到手…!!

大家都累了…我們去了金沙日本料理食飯，這是我跟一班隊友好耐好耐一齊聚會，嘻~都好開心…因為真係好耐冇見面喇。飯後大家各自自由活動，應該係各自大昏迷活動，我在返屯門的巴士途中，都冇睡覺，眼光光的…沿途看着巴士外的風景，一片大海、青馬大橋、陽光，明明好累，點解冇瞓呢…

返到屯門，叫醒咗"老鼠"，話同佢落街食第一餐，點知我沖涼後，坐了不到十秒就大昏迷了，原本係可能我身上有超難頂的汗味而睡不着覺…本來入黎的原因是叫醒"老鼠"，點知又會咁添~~佢四點幾叫醒我起身，佢話提議一齊食飯同剪髮，但係我話夜晚要打波，咁我就推卻了，當然佢依然就我，同我去行路去新墟食咗個吉野家飯，其實半夢半醒咁食，好似唔落格咁

為咗要準時到達，我行到市中心搵小巴搭，點知排咗去對頭車的一邊，攪到跑天橋，搵番個啱的站搭車，黎到上水都係七點三，跟住搭火車去太和，去到體育館，見到人跳拉丁舞，好得意，成日走去偷睇…

今朝出現的隊員到出現番，仲有埋Simon仔，不過好可惜阿Pan冇黎，我成日覺得佢地可能會做好朋友，因為佢地有D相似﹔時間又過得好快，咁就打咗2個鐘波，太攰了…我急急腳要走，因為搭咗一架神奇慢、班次梳的巴士，番到家中已是十一點半，我將今朝的獎牌送咗俾媽媽，嗯…等佢開心吓都好

好攰了…沖埋個涼已經攪到十二點幾…嘩！又一天