仲有唔夠一個鐘就踏入2010年, 轉眼就一年, 時間過得真係快.一整年其實做過咩呢? 嗯.. 就用呢幾十分鐘短短咁總結一下.
第一樣諗到就係「食」!
在fb 有一個相簿係關於食, 入面有百幾張相,
呢百幾張相多數都係出街食野時影的, 代表我今年多左出街食飯!! 
睇返有唔少野食都好好味架, 有機會 (同埋錢) 一定要再去食呢~
再睇相, 原來今年都有四圍行下架, 好似大澳、南生圍、長洲、濕地公園等等,
飛左一次咁多, 去阿里山, 想再飛都有假無
..
睇左幾場舞台劇, 多謝友人轉贈, 如果唔係都無機會欣賞到.
最鍾意係《不起床的愛麗思》, 對我黎講唔易明的劇喔~
但係我好喜歡套劇想帶出的訊息.
買左唔少書, 特別係攝影的書,
不過對我的技術毫無幫助, 因為我蠢鈍如豬 
幸好友人拍到不少好作品, 睇左唔少靚相 (同 靚女 
).
在公司的聖誕扒地, 幸運地中了小小現金獎, yeah~
直情係雪中送炭, 對我乾涸的荷包加返少少水.
最後就係生日有好朋友同我慶祝, 睇左福爾摩斯,
食左好味的越南菜 (吉列豬扒 
), 仲有甜品!
暫時諗到咁多, 2009年將近完結,
感謝今年內幫過我、提供意見畀我、教導過我的所有人,
祝各位新一年
身體健康! 工作順利! 升職加薪! 讀書成績名次進步!
有情人就甜甜蜜蜜! 未有情人就遇到有緣人! 
最重要係 愛錫身邊的所有人!
willardsy 2010-02-05 22:23
問聲好~~ 祝福您的blog愈來愈熱鬧！
................................................................................BryantMcclay1015 2010-01-30 12:09
自己 BLOG 2010-01-23 13:25
巧昕 2010-01-16 17:24
唯有用熱情、用智慧去觀察事物，這事物才會把他的秘密，洩漏給我們
..................................................jerrodlivesay 2010-01-09 13:00