兒童節

水B的第1個兒童節，我地決定去海港城，其實ｂｂ咁細真係去到，佢都唔知係乜呀～

今日第１次去左成日街街呀～　由於我係餵人奶，所以好輕鬆，唔使帶奶粉奶樽出街，超方便～

可惜。。。海港城的ｂｂ室，係由同殘厠ｓｈａｒｅ，無可能餵到奶，最後我決定叫水哥去停車場，ｊａ架車去最邊邊，近海旁坐係車里面餵奶，嘩～～真係享受呀，餵奶都有ｓｅａ　ｖｉｅｗ～　

餵完奶順便同水Ｂ影下相，唉！！！水哥影相真係。。。有待改進呀。。。

跟住又去行街街，點知發現到玩具城出面有ｂｂ室喎，可惜。。只得１個，要人等我成半個鐘又過份Ｄ，都係係自己架車到餵奶最方便～

今日買左個ｂａｂｙ　ｇｙｍ比水Ｂ玩呀～　佢都好鐘意～

另外我又去行下ｈａｌｌｍａｒｋ，無計啦，我鐘意佢地Ｄ質地，真係洗咁多次都唔會有毛粒，我又想買件外套仔比水Ｂ平時出街著，而ｈａｌｌｍａｒｋ的外套同背心，好多時都可以雙面著，好正～