尖沙咀金田日式放題

由於餓左一輪沒有食日式食物，另一方面又想試新野，唔理係咪藉口都好，最終決定去尖沙咀『金田』一試，但唔好以為我是推介這間食店呀，只是純粹講下食後感，簡單來說應該唔會有第2次，不是話很難食，只是不算很抵食，三文魚ok，甜蝦麻麻，串燒唔多得，其他不過不失，每位$198+10%，相比起我食開的中環『大吉』黎講，尖沙咀『金田』就輸蝕了，『大吉』是$168 + 10% (平日)，仲有汽水任飲，不過『大吉』限食2小時，而『金田』沒有時間限制，種類差不多，但『大吉』有蟹粥，同時個人覺得『大吉』的味道好d喎，不過『大吉』的座位空間不算好闊落

某晚睇新聞報告說 : 荃灣『金田日式放題』出左事呀，好似話有十幾人食物中毒，嘩! 如果我遲幾日先食的話，我就不會去食了，雖然是荃灣發生問題，但感覺上都唔係咁好嘛，所以再次惠顧『金田』的機會唔大了，而且對我黎講佢唔算平，不過香港人好善忘的，過一排鍾意去金田食ge 人又會繼續幫襯，現在又諗緊下一間試食邊間好呢...........心中已有答案了