2009年東京新春血拼逐格睇 の 池袋食乜野 take 1 (屯ちん池袋本店)

屯ちん池袋本店

2009年1月1日 Lunch

熱愛食拉麵的我怎會放過它呢，每次遊日都會想試下唔同的拉麵店，呢次我就揀了呢間位於池袋區的拉麵店，印象中係舊年某大飲食網中佢好似取得東京區人氣拉麵店唔知第2定第3名，不過唔知有無記錯，所以早於舊年時我已想惠顧它的，今次終於有機會品嚐了

到達店舖時已是16:00，因為之前要去原宿Laforet潮拜福袋嘛，所以食一個遲來的午膳又有乜所謂，但估不到都有十個八個人排隊，所以呢間拉麵店都幾受歡迎，大家要留意若店內排隊位置已滿，那麼你就要先企在店外排了，當你排到入店內時，你首先要在自助售票機購買你想食的拉麵票，然後遞給店員，隨後店員會示以你繼續排，當有位時便安排你坐低，稍後拉麵就即附上，所以係日本食拉麵特別新鮮熱辣，講起都想食，留意拉麵有份量之分，不過無論你是要大或是standard都好，收費是一樣

我叫了一個屯ちん一番人氣ラーメン(650yen) + 得入り(250yen)，留意650yen的ラーメン只是一婉麵，然後你可自行買單品的餸來配搭，例如 : 叉燒(230yen)、蛋(100yen)等，而得入り(250yen)就是set一樣(包括了叉燒、蛋和蔥)，所以基本上大部份人食呢個ちん一番人氣ラーメン(650yen) 都會加得入り(250yen)的，如你唔夠餸咪再買單品來加餸啦，另外老友C就叫了一個魚豚つけ麺(680yen)，我首先當然飲啖湯先，ok啦，都合格有餘，麵質是我喜歡果種，中等硬度(有咬口)，不過隻蛋的糖心程度欠了少許，叉燒都ok，當我試下老友C果碗魚豚つけ麺時，嘩! 個湯好香呀，係好香日本魚乾，但一點兒腥味都沒有，搞笑的是老友C飲極只覺個湯好濃好香，佢話飲唔出有魚味喎，唔理咁多啦，總之以湯底來計，魚豚つけ麺是比較濃d和香口的，總括2碗麵都ok的，沒有令我失望的日式拉麵