尖東十勝豚丼

豚丼是十勝的名物，不過我暫未係十勝食過，而第一次食反而係釧路，第一次食時覺得很驚喜，因為好好味，那些豚肉配上炭燒汁令我懷念至今，得知旺角開了一間打正旗號叫『十勝豚丼』時， 已有些想試，不過心裡已自動減低期望，因為邊可以同北海道親身食相比吖，明白希望越大失望越大的道理，以平常心去食啦

知道『北海道十勝豚丼』在尖東有分店時就揀了去尖東食，而且專登避開lunch time，我地成3點3 先食，店內當然無乜人，所以可以舒舒服服咁食，望望餐牌又唔算貴喎，相反覺得平tim

M君叫了一個單品的厚燒豬扒飯，另加$3可以有一杯野飲，咁抵梗係加啦，要了一杯熱柑桔蜜，其實惠顧任何餐都可以加$3就有杯野飲

厚燒約有1cm厚，肉質中規中舉，比想像中無咁"鞋"，當然絕對唔可以同北海道比較，但以香港黎講都ok，醬汁又比想像中好，豬扒份量和醬汁剛好，足夠送飯，$40一碗豚丼已合格了

我就叫了烤薄豬扒飯套餐，$38一個套餐又幾平喎，不過唔包野飲，我亦沒有加$3加野飲，套餐包括了一碗豚丼、麵豉湯和小食

小食 : mini凍豆腐+木魚+半小粒車厘茄，這個小食配合蠻不錯，簡簡單單味道唔錯，合我地口味

麵豉湯略為咸左

簿燒比較似北海道的製法，味道總比我期望好些少，雖然豚肉不及日本，但這都是我預料中，所以沒有特別失望，反而覺得他整得算幾好，而且豚肉份量意外的多，最衰忘記數下有幾多片，但應該唔少過10片，相信當我口痕時我會再惠顧，都會食翻薄燒這款