廸欣湖 の 旅 (上)

一個陽光普照的假期，早上M君首先出去搵位飲茶，我還在賴床，起身後仲要忙於上facebook巡視下Happy farm有乜可以偷下，時間真係啱啱好，當我去到酒樓時已有位，我倆已很久沒有自己2個人飲茶了，尚賓樓的點心都唔錯，埋單共$125.00

其實今天只打算外出影下相試下機，所以並沒有刻意計劃去邊，係飲茶期間才諗下究竟去邊影下相好呢，M君忽然想到廸欣湖，好啦! 橫掂未去過就咁決定，飲完茶就開始廸欣湖の旅

首先搭港鐵去中環轉東涌線，然後係欣澳站再搭去廸士尼站，去到廸士尼前當然順便影翻幾張相，天氣真是好好，可能時間都成2點鐘，所以門外睇落唔多人，真是有點兒衝動入場玩下，最後當然沒有啦

係廸士尼影完相後，我地向職員查詢去廸欣湖的方向，職員建議我地搭巴士去，因為她說步行要20分鐘，而且陽光亦很猛，於是我地就係廸士尼在附近巴士站搭R8前往廸欣湖了，其實車程很短，但車費一d都唔平，要$7.00，沿途看見都好多人是行去，早知我地都行啦，所以決定走時不會再搭巴士了，行返去廸士尼站都得，不過有老人家同行就梗係搭巴士，自問仲未是老人家，行下都頂得住掛

初到廸欣湖的感覺又唔錯喎，人不多，一大個湖，沒有嘈雜聲音，沒有大城市的廢氣，雖然陽光猛烈，但又不覺太熱或出汗等，經常有清風吹過來，當踏進入口時，第一時間去71便利店買定支野沿途飲先

...........待續