池袋の喰喰放題

喰喰

我覺得呢間喰喰很像香港的韓式燒烤，當然係日本食就一定更開心同好味，唔知點解每次係日本食放題時總是覺得不夠時間，這是首次光顧喰喰，好彩我地比較早的時間到達，即時有位，遲多幾個字已開始排隊了，我急不及待想開始呢90分鐘的放題，它是有分焼肉和しゃぶしゃぶ選擇，我地必然擇焼肉啦，跟著有位好細心的女店員好像想同我地解釋一d野咁，但我始終唔多明佢講乜，女店員馬上係廚部找一位懂普通話的男仔出來幫手解釋，原來食べ放題已包括沒有酒精的飲品，可自行到出面取，如要飲有酒精的飲品便需加錢，感謝他們的提醒，在閒談中知道他原來是日澳混血(日本澳門)

食物都齊齊整整，種類不算少，當年(2008年)是￥2,520 一位，網上還有￥100coupon，除了主打食物有牛豬雞類外、仲有帶子疏菜類、甜品生果、蛋糕雪糕，連DIY綿花糖都有得你玩

雖然熟食的種類只得數款，但我亦不介意，因為我根本係90分鐘內都食唔到咁多野，而且主力都是放在燒烤上

甜品方面很不錯，奈何是肚子放唔晒落去，而且日本的生果又特別好味

脂肪分佈得好平均的牛呀，口感ok，但牛的香味並沒有，用2仟多yen的價錢不要對牛有高的期望啊

另外單以雪糕都食不停，分別有2類 (軟雪糕和雪糕球)，任君選擇，或者好似我咁兩者都食晒，全部都是自助式的

雖然是2008年惠顧，但還記得當時的滿足感，又要取食物，又要煮，又要食，好忙呀

有關位置可參考參考

當你企係JR池袋東口望過對面馬路的右手邊

(1) 會見到一間Lotteria (記住不是係60通那間Lotteria)

(2) 望過少少會見到大廈外牆有大黑屋的招牌

(3) 就係呢個大黑屋招牌的路口直入再行約2分鐘

(4) 係右邊某大廈便會見到『喰喰』字眼，它位於6樓