北海道 の次回合 (二)

今次是第2次踏足登別，今次揀了入住Mahoroba，它與第一滝本館一樣提供很好的服務，它的溫泉還比第一滝本館多，仲有男女對調浸浴時間，我尤其是鍾意它的露天溫泉，下著雪浸簡直是人生一大樂事，因我地上次已去過熊牧場，所以check in後馬上浸一轉先，而佢地就自己去熊牧場，熊牧場十分近Mahoroba，正是酒店行過對面，原來風雪都是跟住佢地，佢地坐吊車去到一半時突然停左，因天氣影響，又要等一會兒才能返回門口

登別熊牧場相片由老友C提供

這天我和M君就出發去稚內了，由札幌去稚內當然搭夜車啦，又可以慳時間同慳翻一晚酒店錢，但都是唔多瞓到，晨早到達稚內時連天都未光，剛巧有位日本人主動幫我地影相，於車駅外黑漆漆都唔知做乜好，直至有巴士時就前往宗谷岬等等景點

當時天氣不太好，很大風大雪，到達稚內最北端時感覺很興奮，皆因正是站於日本最北的位置，四周人不多，加埋我地好像得5-6人，只得我地是遊客，大風不斷刮過來，基本是時常企不穩，而日本最北端的座標後面就是大海了，心裡見到又興奮又驚，感受到大自然的威力，影了數張相後就繼續其他景點

冰雪之門

雖然稚內的位置比較遠，不過我地都十分開心可以到此一遊，曾聽說過不少人說稚內咁遠又無野玩咁，幾悶下，所以唔吸引會去，但對我倆來說就是絕對值得，因為經歷都好開心

至於函館同網走都因我地上次已去，所以今次只安排他們自己去，然後係釧路再會合繼續一齊玩，記得上次係網走監獄時取了一碗免費的湯，飲一啖即時想嘔，難飲得很，我即說千其唔好做壞事入獄，d伙食一定很難頂，當知道他們會去網走監獄時，我即時灌輸叫佢地一定要攞免費湯呀，話好得架，結果佢真係攞黎飲，唔洗問，咪比佢地丙，做乜鬼咁難飲又話係好野

函館日落相片由老友C提供

正當他們在網走時，我地已前往釧路，除了於釧路四周逛逛外，還去了鶴見台，當日天氣一樣是大風大雪，又係去到邊都無人，成架巴士又是我地包車一樣，我自然就開始釣魚，幸好M君還聽到站名的廣播便立刻拍醒我下車，雖然係鶴見台只是遠觀，但整個經歷同樣覺得很開心和難得

於釧路和商市場內，當然會食勝手丼，自己買碗白飯，然後再自由配搭喜歡的魚生或海鮮，係玩意上好像幾有趣，但論到是食物味道就似乎有點失望，不是話好好食，如同函館比就更大差別，不過旅遊者咩都要試下的，尤其是勝手丼於釧路是有一定的知名度，不過唔好太大期望就真

接近黃昏時我地就係JR釧路駅接他們了，第2天就出發去阿寒入住鶴雅，正如我上一篇所寫因天氣而影響左行程，不過鶴雅果然名不虛傳，房間很美，溫泉蠻好，晚上浸露天溫泉時又一搞笑之作，我和老友C行得比較開的位置浸時，突然有2個香港女仔行落池，我地聽到佢地講 : 『果2個係咪人黎架? ，』當時我和老友C不知幾想笑，吓! 唔係人唔通係 ，乜我地咁恐怖咩? 唔好嚇我啦，我地當然堅持忍住唔出聲扮日本人