鐵板燒

昨天老闆lunch 時請我地去咗Mega Box 的"和光"食鐵板燒, 我地話和光開頭勁串, 話唔比我地公司包晒佢d 鐵板爐, 話如果包晒就要比$12,000 當包場費, 心諗, 佢一個餐都係$128/位, 我地公司都係得30人去食飯, 計番條數都無$12,000 啦, 擺明就唔想做我地公司生意! 同埋上星期已經book 咗枱, 星期一嗰日打電話比我地, 話個大爐壞咗啦, 後來, 佢都比咗VIP 房我地坐...

lunch time 時, 我地全班人一齊行入去食飯, d 伙記真係好唔醒水, 又欄住我地, 係咁問, 有冇book 位架? 同埋幾多位? 我地係咁同佢講, d 人係前面呀, 入咗嚟啦, 都重係咁... Czen 都發抆話唔駛理佢啦, 佢都唔知架啦! 我地照入去! 真係同佢講句都嘥氣.... 之後我地開始食野, 個餐今次包咗"一隻大蝦", "一件三文魚排", "一件牛", "一碟炒菜", "一碗炒飯".... 之後又有個面豉湯, 飲到我好熱, 我係咁撥涼, 個師傅好好, 問我:"係咪好熱?", 我話:"係呀", 佢又回應番我: 我都好熱....跟住佢煮煮下野又出嚟幫手校冷氣, 之後佢又開始幫其他枱煎食物, 唔知係咪多咗一碟薄切牛肉呢? 後來我望住師傅煎時, 佢又問我"你係咪想食呀?" 我話:"係呀", 跟住師傅就比咗我地食lu.... 真係開心! 跟住有人入嚟追師傅, 話17號枱追食物喎.... 師傅話比咗佢架啦! 後來師傅又搬番d 生牛肉出去時, 我整埋d 張椅, 師傅又好風趣同我講: "我好苗條咋, 唔駛讓啦"呵呵!!

呢一餐真係好好味呀! 下次同老公去試下先!