又到聖誕, 又到聖誕

嘩, 話咁快又一年lu.... 今年好似過得特別快! 我剛剛回想番去年的聖誕, 我在做什麼呢? 原來都開始搞緊婚禮的事, 好忙好忙~ 我重記得舊年, 呢個時候, 我同老公公要搵教堂行禮, 要搵酒席, 東奔西跑, 由太子就跑到尖沙咀, 之後又由尖沙咀跑番去太子.... 嗰段時間真係幾攰架! 但無計啦! 舊年要搞一個一生人一次的大Project, 點辛苦都唔緊要架! 而今年我也很忙, 一踏入12月, 就開始有好多補課, 有好多功課, 又有test, 接住落咁.... 真係幾辛苦咁架!!! 而現在又有一個大Project 等緊我去做, 今次個topic 係搞馬拉松, 跑馬拉松就跑咗幾年, 但去搞 event 就未掂過! 不過都令我有興趣去讀一些course 係關於搞events 的, haha! (我的生命有一大半時間就用咗嚟讀書免費教育9年, 之後加加埋埋d 濕碎course, 再加現在marketing, 計計埋埋都20年,  豈不是我已經40歳)

呢個聖誕假期, 都唔知開心定點呢? 嚟緊放完假就要準備考試, 已經有好多好多野要讀, 但另一邊箱, 係呢個海嘯中, 公司仍然可以出bonus 比我地! 都算好開心! 不過我都會好好享受呢個假期, 可以同老公公一齊, 已經心滿意足!