20070214

我們的第一個情人節....
今天在公司忙碌到四點，離開公司去join佢.... 本來約在灣仔等，但佢話在銅鑼灣塞緊車，咁就在銅鑼灣等啦... 收線後，心諗...e~~點解佢會在銅鑼灣塞緊車既呢？佢放工過來點都應該唔會在銅鑼灣塞車架！前幾日都覺得佢古古怪怪架啦... 又唔肯講幾點放工，今日三點幾又用手提打比我...平時佢係公司既話會用公司電話架嘛....

當我到左銅鑼灣搭緊電梯上緊去金百利出口時，佢突然在後面拎住束粉紅玫瑰攬住我！嘩~~~真係比佢個傻佬嚇死呀！ha...都估到佢今日有d野架啦.... 唔知佢係今日放假定提早放工去買花，未買過花的他找不到就腳的花店，在筲箕灣買.... 謝謝你呀honey！ 好開心.... http://www.famayyee.com/chi_1.html ←這間就是之前我同你講幾平D花又包得好靚既花店，得閒你可以去睇下！
ha~~佢死都話冇放早，但我知佢返工的話唔會大拎袋，又唔會整個頭，梗加唔會拎埋束花返工啦.... 哈哈...BB！我係咪好了解你呢...HAHA

之後我們就行去灣仔，去左許留山食少少野就去會展行年宵，行左陣就搭船過返尖沙咀，因為拎住花太不方便了，所以拎左返屋企先，一入到屋，媽見我拎住花返來就講笑地問：「嘩~你地去拜山來呀？」=.= 真識看笑，拎玫瑰去拜年！

因為我整朱古力失敗了，所以買返朱古力來補數...Ha...

放低完野，出官塘食抄野....食到我們超飽後，行左陣APM便回家啦...

在家門口，又聽到屋入面既開燈聲，嚇到我即刻返入去，入到屋已經一點了. ...^^，返到入去...佢打來，原來佢銀包係我袋~ 哈... 唔記得左！
 BB，你要乖一點呀... 我愛你！