中秋節快樂!!

晴

原本爹爹一早已經話中秋節要返工

點知琴晚返婆婆到做節,

爹爹話唔洗返喎...

勁勁勁開心呀!!!

今日, 起身無耐就去左Jusco食Lunch, 好味好味

之後爹爹帶我地去d 我同Jason都未去過既地方

渣車去.....以為係去大美督

原來....係大美督隔離既新娘潭

去到.........感覺好新鮮

但係...............完全無唸過爹爹會帶我地行山

你地個父子就著波鞋,

媽咪呢???  著拖鞋囉....

不過.......捨命陪父子啦

Jason就梗係無份行, 爹爹抱抱啦

好快就行到落去個潭到

Jason見到好似好好奇咁

係咁望住d 流水...

休息過後, 臨走仲見到兩隻史立沙

好得意呀!!!mini 過我家奧雲仔多多聲

好快我地就回家了

同麻麻姑姐食左個便飯

媽咪要求爹爹帶Jason去行下街過中秋

中秋麻。。。唔去賞下月, 玩下燈籠,

Jason 大個左就唔知咩係中秋架喇

之後爹爹就帶左我地去市中心

大會堂出面好多一家大細係到賞月, 食月餅

最重要既係好多小朋友係到玩燈籠

Jason見到咁多哥哥姐姐係到玩,

又跟埋人地玩一份

仲係咁追坐哥哥個螢光波波

爹爹有見及此, 走左去整返個比Jason玩

見到Jason咁鐘意同d小朋友玩

真係暗暗有d 唔開心, Jason 仲未有個朋友仔

希望快d 返學, 可以識多d朋友仔啦!!!

玩到失控既Jason

最後要爹爹媽媽強抱返屋企囉

哈哈!!

今年中秋過得好開心!!!