網誌分類：1歲生活 |
圖片
網誌日期：2009-03-14 15:38
下午Jason姑姐帶左我地去佢母校OPEN DAY, 有得玩就梗係去啦...
今日好曬好好太陽呀, 仲好熱TIM, 同琴日簡直差天共地呀, 仲等我幫Jason著左好多件衫, 哈哈!!
去到好多中學學生, 唸返自己原來已經離開左中學已經有九年了, 好老呀!!! 其實我都幾鐘意呢間中學, 入U 率100% 喎, 希望Jason第時好似姑姐咁咁叻叻入到啦~
帶左幾個game, 為左都係拎禮物, 三架火警車, YEAH!!
之後返返屋企, 無幾耐就有人送貨黎啦........咩黎?? 就係媽咪買比Jason仔既生日禮物, 呵呵~ 好多人都估會買玩具, NONONO!! 玩具真係好少好少買, 定期實有人送比Jason, 哈哈....
今年生日禮物 ---> Booster Seat !!
大大架個d 屋企又無位擺, 媽咪已經唔想Jason再用學行車黎開餐, 呢期Jason大個仔左係咁係架學行車到做埋d 危險動作, 呵呵.....係時候要收埋留比下一手喇!!!
Jason第一次坐坐得好過引呀, 好開心咁, 好囉好囉, 大個仔有得同我地一齊食飯喇, YEAH!!!
其實除左Booster Seat, 媽咪都買左樣新野比Jason, 但又唔可以當係生日禮物呀, 因為實會比d 老人家鬧鬼, KEKEKE!!! 係咩???
就係新鞋仔喇!!!! YOYOYO~
Joyce 姨姨聖誕送個對已經唔岩著lu, 見Jason開始學行行, 一對岩著既鞋係好重要架!!! 有左呢對新鞋, 希望你快d 識行路, 媽咪又可以帶你去多d地方, 唔洗成日拎住架BB車ma!!!
