近日最喜歡的書...."On Bullshit"

聽收音機介紹呢本書，點知第日去到三聯即刻無得買....
好在..去台灣既時候見返呢本書，即買.

"On Bullshit" 係一本好細下既書，得六十幾頁，記錄左Harry G Frankfurt 一次課堂既內容.
哈哈係咪好得意呢...上堂講咩係Bullshit...佢嘗試好學術咁解釋咩係bullshit, 同謊言，誤導比較，得出既解釋係....bullshit唔係刻意既誤導，亦唔係講大話，可以話係一推無意思既說話. 點解bullshit唔等如大話同誤導? 最大分別係，Bullshit係佢既解釋中係無錯對...無真假...可以話係無意思.

果日聽收音機佢地舉左好多例子....
"我今日真係忙到隻狗咁..."  ------------  到底...一隻狗忙既時候係點你知唔知?
"溫總訓示要加大救災力度" ---------- 下?咁要幾大力?
"我地要打造一個多元化既理性平台" -------- 算啦.......
hahahaha....每次我聽到都會笑餐飽!~~~

書裡面最後講左一個point, 就係社會太多Bullshit既危險，尤其係當大眾都唔為意，覺得呢類說話無問題，甚至接受左佢.  因為Bullshit本身無真相，亦唔係假話，書裡面講既危險係，終有一日無人會去尋找真相，無人會介意任何事既真理。 當然，我自己唔會咁在意啦....有時自己都會講好多廢話，但係如果你覺得好悶既話，不妨聽下新聞報導，當你聽到任何政府官員講野既時候...你會開心好多...
因為正如Harry 所講:

"Bullshit is unavoidable whenever circumstances require someone to talk without knowing what he is talking about."

hahahaha.....一路寫blog一路笑...我諗我真係好鐘意呢本書....hahahaha~~~

p.s. 多謝MiDCO既訂閱....你個blog搞到我有再學日文既衝動....