選擇正確...

當日, 要下一個3年半的賭注, 我以為, 我會輸, 今日, 我發現, 原來我選擇係正確...

如果, 身為一個男人, 唔去問自己點解, 點解一個陪自己涯左3年半既女人離開自己, 反而, 不斷咁去怪責其他人, 將責任推去事物, 咁, 仲算係一個男人嘛?

短短1個月, 我睇清楚我的賭局, 我清楚, 就算, 今日冇另一個人, 我呢一局, 都係勝出, 因為, 起碼我救左我自己...一段關係的結束, 必有原因, 身為一個男人, 點解, 要將個責任推去第三者身上? 而事實上, 根本, 有冇第三者, 我同呢個男人既關係, 係有必要要完結...

因為, 我已經累...累, 係因為, 我竟然要男人的角色都要做埋, 包括, 去搵錢, 先唔講到底佢為我同佢之間的生意付出多少, 先諗一諗, 如果, 每行一步, 都需要我自己去諗, 不特止, 仲要幫對方諗埋, 擔心埋, 到底, 我係女朋友,  還是媽媽?

試問, 身為一個男人, 明知自己個女人失業, 仲要個女人為自己, 為呢個男人煩惱錢銀既來源之餘, 不特止, 連基本到, 搭車錢都要幫呢個男人付埋, 請問, 如果我選擇離開, 我有冇做錯?

再簡單到, 如果, 一個30歲的男人, 代個朋友問另一個朋友借相機, 然後唔見左, 再問另一個人借去還, 咁蠢的事, 發生響一個13歲的男仔身上, 可以原諒, 但發生響一個30歲的男人身上, 請問, 我離開....................

如果, 借相機既事, 一而再再而三咁發生, 借完我朋友的相機, 未經我同意, 借俾佢朋友, 再用我同佢分手做借口, 問另一個朋友借相機去旅行散心, 又成理由?

既然, 有錢去散心, 點解唔自己買相機? 點解要問朋友借? 既然, 如果有錢去散心, 點解, 驅驅果幾百蚊既電話費唔去交? 既然, 如果佢有錢去散心, 點解, 唔交寫字樓的租金?

又既然, 如果冇回鄉證, 同冇護照, 又何以去旅行散心? 要扮瀟洒, 扮落莫, 扮黯然, 扮斷腸?

而且, 要眾人知道, 佢既失戀, 又失業, 仲要有病, 係想人覺得, 我離開佢, 投向第三者, 係我 "不守婦道", 又居心何在?

在此, 我希望, 我的朋友們, 忠告一句, 如果, 我的前度問你地借任何野, 都要拒絕, 因為, 我同呢個男人已經再無任何關係, 我唔希望你地任何一位會受到傷害及被騙...