澳門之行

澳門之行

因為結婚時酒樓送康x的cash coupon,而expired date係3月,我地又冇諗3月前會外遊,所以就用黎買澳門既package

今次去澳門住利澳,個房都幾大,又乾淨

放抵d行李,我地就去食lunch,隨便搵食,係附近食茶餐廳

佢地個例湯都唔馬虎喎,好好味,葡國雞飯同埋我個吞拿魚意粉都ok~

跟住去咗新葡京book dinner buffet,聽朋友講呢間buffet好食

book完buffet,周圍參觀,嘩~~新葡京d擺設睇到我呢d鄉里嘩嘩聲

有用象牙雕成的八仙過河,接著是齊天大聖孫悟空 + n隻monkeys...仲有d唔知係咩既雕刻

仲有好幾件既雕品,都係大大件

仲有國寶級既馬頭首....簡直成個博物館咁...

跟住去咗幾間酒店睇,其實去澳門酒店都係一個景點,d外資賭場真係又大又靚

行到咁上下,我地就去新葡京既自助山食自助餐

自助山

6pm去到已經入咗唔少客人,但都未full

呢到有好多款野食,我第一時間拎咗生蠔,呢到d生蠔好大隻,我食咗兩隻,好creamy,好甜,

仲有凍蝦,青口,燒帶子,阿拉斯加長腳蟹腳,不過長腳蟹唔係凍食,係鐵板燒,都好好食,不過我唔係食好多,我見鄰座d人密密食,食成兩三碟滿,勁呀~~

刺身有三文魚,北寄貝,吞拿魚...

沙拉都有好幾款...

熟食都有好多,多到唔記得.....

甜品都ok,雖然唔係好多款,但係有中有西

所有野都係冇限量供應

值得一試

呢到食buffet係6-8pm & 8-10pm 兩段時段

所以我地食到差唔多8pm就走,走既時候,係酒店大堂,迎面見到何生同佢個女(唔知叫咩名,不過成日係雜誌見到佢,都幾靚~)

跟又周圍行等d野"落格"之後返酒店休息

 

第二日既節目係去媽閣廟同威尼斯人

酒店包早餐,我地8am去咗食酒店既自助早餐,好鍾意食酒店既buffet早餐(好食果d)

媽閣廟

食完早餐返上房訓多陣就check out

我地睇地圖再行咗唔知幾奈先揾到去媽閣廟既巴士

去到之後,拜下行下,影下相同食咗支好揾笨既雪糕

去媽閣廟既其中一個原因係想去食船屋

船屋

等咗一陣,十二點半,去食lunch,overall,食物都ok,我覺得去到係食果種餐廳既風味,係好外國feel,個老闆又好nice

我地點咗海鮮燴飯,同一份牛柳+薯條,其實好想點蝦,但因為食buffet食咗好多蝦,所以冇點

其實係澳門食葡國菜都唔算貴,係香港食d所謂fusion菜,食完唔知自己食乜,有d仲貴夾唔飽,唔好食

威尼斯人

威尼斯人係好大既商場...

ornament 都好grand...

 

之後議事廳果邊食野,係街市食牛雜,其實都係一般,香港既都整得好好食

食完就去買手信,去咗齒香園同鉅記

去既途中,見到個幾索既女人,著哂吊帶咁,點知一出聲...係男人聲....=.='''

 

新帆船

買完手信,去咗新帆船食晚餐,我地真係食葡國菜食到傻咗,日食夜食

我地點咗馬介友薯球,有魚翅既燴飯(唔記得叫咩名),&一份豬肋骨,好好味~~

食完呢餐,我地既澳門之行就完結~~~