奪標首影,Sala Thai Cuisine" & lunch with best fd

11/10- 這天好多謝吉少誠邀我地幾個去圓方睇"奪標首映",放左工立即去搭車,但嚴重擠塞要7點幾先到.落左車JOIN埋澄，湯圓 & GRACE一起去"Sala Thai Cuisine"DINNER,環境係幾靚的,野食就過得去啦.比想像中冇咁好味.食緊途中仲見到 細佬Dino (SOLAR),真係幾型....

不懂打扮超平凡的我  vs 靚靚索女grace

DINNER後,吉個表姊amy到左,我地就行過去戲院等埋alan先入場..入場前又見到好多明星行過...最開心就係見到謝霆鋒,冇乜點打扮都咁型....超鍾意佢呀.

 超近鏡見到佢..

"奪標"這套戲得確好好睇...笑到我眼淚水都標,內容雖然普通,但張偉健做得好好,每句對白都好攪笑.有一幕好慘因為佢個未婚妻死左,但張偉健既哭聲好似笑聲,令我忍不住想笑,加上我望過坐我隔離既湯圓,佢個表情又係好似想笑,令我更加想大笑,但這個moment個個都好傷感,我地唯有忍笑,就係這一幕令我平時一想起就笑,笑足我幾日.真係好辛苦.

13/11- 因為老闆LUNCH前已經走左唔會再返公司,所以我就飛的士去觀塘搵edith食lunch,對住bestbestbest fd食 lunch心情都勁好.今天工作唔多..好悠閒過左一天,放工約左阿澄去MK,準備我地11月22日既"ANIMAL PARTY".食完飯之後我地BOOK左場地 & 好快就買左阿澄既PARTY裝備(好靚).真係好好好期待果日既來臨,到時一定玩得好開心!!^

14/11- SANDY又過來KLN BAY搵我食LUNCH,今次見到佢個肚大左好多,佢既預產期係今個月尾,唔知我個契女會唔會早D出世呢???雖然SANDY在公司都係做左個幾月,不過大家感情都好好,好多謝佢大住個肚都成日來搵我食LUNCH,等我唔駛咁悶..好感激呀!黎緊佢生完個B一定忙住湊B,大家會少左見面,不過我一定會成日上你家探你架.希望你個B肥肥白白,健健康康啦!

MY LUNCH.

 HAPPY SANDY