"新娘愛鬥大","保持愛你""四仔捧捧堂"

上兩個星期同湯圓去睇"新娘愛鬥大"呢套戲係我近期最喜歡的電影,內容除了講結婚開心事之外,仲講左兩個女主角之間好難得既友誼,一開始無論佢地發生咩事,總會在對方身邊安慰同支持.但因為兩個都要同一日同一個場地結婚,所以開始有爭執仲反面tim.在佢地既大戰中,兩個都互相傷害,由於太了解對方,所以要傷害對方一定好易,靜下來想，其實比自己最好朋友傷害真係好難受,所以最後佢地都想通了.唔再鬥下去..最後大團圓結局.

上星期2月25日-同湯圓,阿澄,阿杰去睇"保持愛你"呢套又係葉念琛既作品,已經覺得冇之前的咁好睇了..雖然次次都有笑有淚,但開始覺得有點無聊....好似比套戲攪到自己精神崩潰..真係好想問導演"你係咪玩我呀???"個個故事都講到Ｄ感情咁灰...shit..真係睇到人都癲.

上星期六2月28日-同阿澄睇左套咸片"四仔捧捧堂"哈哈.買票時個售票員話三級片離架.可能佢怕我地以為真係睇4仔!!呢套戲..睇到我反胃作嘔.超嘔心.外國人真係視性為打招呼的基本儀式...唔知睇緊套戲時d男仕有冇....反應呢?哈哈

昨天3月2日-勁唔想返工,眼訓到爆..點知工作中有位好朋友yoyo打來,話好掛住我,想講兩句，因為佢知我工作中唔方便,哈哈.你個傻婆,真係令我好開心,我整個人都醒一醒,接下來到lunch另一個好友Sandy話想見我呀,佢仲飛的帶埋我個寶貝契女探我...今個早上真係sweet.呢個寶貝係我第3個契女,咁多個中我最錫就係佢喇.佢真係好可愛好細粒呀!!

　我叫卓欣呀！！＾＾

晚上放工同澄去了沙田食素,呢間野成日都經過..阿澄話知我喜歡食素,所以同我入去試.味道都唔錯好過上次MK果間好多好多了,不過我覺得都係我佛堂最好味!!!DINNER後,我地都好累,好早就一起回家訓覺了!