家有囍事 & 癲女約會

2月2日- 這天放假,悠悠閒閒在家休息了一天,差不多6點半出門口去MK見阿澄,我們去了女人街一間叫"得康米線"食DINNER,除了我果碗蕃茄湯底米線比較好食之外,其他果d我同澄都覺得唔太好食,兩柸野飲味道好怪好似藥水味.HEHE.

個湯底勁淡味

THEN我地又周圍行街,見到個黑板仔好多次,今次終於忍唔住買左,佢令我想起以前小時候好多回憶...小時候成日同大弟弟玩老師遊戲,由於媽咪唔比我地買呢D野,所以我地成日偷偷地將D粉筆寫哂落屋企D牆上當黑板.D粉筆當然係我地在學校執架喇..哈哈.

之後我地經過書局,阿澄特登入去搵一本書買比我睇,就係"我們的低能婚禮"佢話我睇左會開心哂,HEHE...可能我成日同佢講結婚會好煩..有好多情侶原本感情好好都因為婚禮前唔吵架都變吵架架.等等.我估佢怕我想呢D野想到好負面呱,哈哈.

THEN我地去左睇"家有囍事"套戲好攪笑...由頭笑到尾,雖然有D內容幾無聊,但當RELAX都唔錯!!

2月3日- 這天約左班好姊妹(TAMMY,EDITH,GRACE & CHRISTINE)又去MK,今晚我地既目的就係情人節禮物比BF,哈哈,除了CHRISTINE之外,一見面大家都餓就去左"味千拉麵"

DINNER.之後周圍搜尋我地既GIFT,行左一陣我見到有兩個MY MELODY公仔好可愛,所以忍唔住買左其中一隻,因為屋企已經有幾十隻MY MELODY,而且價錢唔算平,所以都係買住一隻先.^^行左好耐個個都齊哂,最後連我都買埋份GIFT了...由於買呢樣野CHECK好耐,所以我身邊D好友都行開左等我.完事後我地落電梯走,途中GRACE無端端叫我幫佢揸住袋野..我都覺得怪怪地,原來佢偷偷地買左隻MY MELODY比我呀,就係剛剛我嫌貴唔捨得買,佢竟然買左比我,攪到我勁開心,佢話見我咁捨得買野比我LOVER,但又唔捨得買比自己,所以送比我...真係好多謝佢呀.今晚同佢地一起又係過得好開心.THX

就係左手邊的草莓my melody,係grace送的.多謝豬豬....^3^

上年到今年..唔經唔覺收藏左好多禮物盒,好多謝我lover & best fd.