忙碌嘅新一年

　　老實講，近排好似好多fd都冇寫blog，加上忙碌嘅新一年令我更加冇時間去理個blog。

　　新嘅一年簡直係令人有被謀殺感覺嘅一年，將我過去荒廢左嘅七年填沒！今年係勁多野做------

班內︰壁報組組長、視藝科長、假假地係個敬拜隊、詩琴。

班外︰CCT、Heavenly Sound (呢個我都算恨左好奈)、升旗隊(呢個要星期一就第一次升，勁驚！)

遲D仲想去join歷史學會... 依家日日放學都唔得閑，仲要做勁多hw，唉~ 加油加油！

　　今日親眼目睹被虐待狂嘅恐怖！Joshua Tai 喺午息時被阿梁虐待，更被馬麗莎用言語暴力攻擊兼夾被半班向佢動手動腳，仲任打任踢唔嬲，真要拜佢為師！勁！

　　今日係阿毅爺爺生日。雖然表弟阿爺生日好似唔係幾關我事，但阿毅始終係青梅竹馬兼表弟，仲係三代單傳，佢地兩老又自細當我係半個孫咁錫，麻煩D都算啦！

　　總之呢一年要努力做好本分，盡力做好每個崗位。課外活動故言重要，但係學業都唔可以鬆懈。在下於此祝福大家身體健康、學業進步、生意興隆、事業有成、連生貴子、白頭到老、永結同心...咳咳...呢D野...都係留番新年先講啦......

 (係咪好得意呢？其實唔係我隻貓嚟嘅...佢叫做Bell，係咪好靚女呢？挪威森林貓嚟架！)