網誌分類：未分類 |
今日應十叔o既邀請，同一位同事兼好友仲有細細妹一齊參加佢o地教會第一次舉辦o既音樂會，正確d講係「與祢更親近敬拜讚美會」，十叔仔佢有份唱歌o架。過程恕我唔再多講喇(因為相信大家都會想像得到~)，只不過o係度我好想講番少少o野。
雖然我唔係基督徒，不過我今日聽完o既感覺係好開心同埋"感恩"o既，全因為我睇到十叔仔唱歌時o既喜悅同埋投入，相信佢o係教會同d弟兄姐妹們相處得好開心，同埋o係心靈上得到滿足，呢d全部都可以o係佢面上流露晒出o黎。由於性格o既關係
，呢d o野好少好正經咁當住面講，所以我寫o係呢度，等十叔仔同埋佢d弟兄姐妹們會睇得到。有兩句話我好想講o既，"十叔，你要加油呀!!"(邊方面都係~)仲有"各位十叔o既好朋友&教會o既弟兄姐妹們，好多謝你o地一直陪伴佢左右，同佢分享喜與悲，多謝。"
跟住落o黎同大家分享下今日音樂會o既少少花絮啦
睇下十叔仔唱歌時幾咁投入(上排右二)
完show後所有工作人員大合照(呢張係我隨意拍o既，因為佢地有專場攝影師o係度~)
完show後合照(左至右﹕同事兼好友阿雲、細細妹、十叔仔、我、阿杜)
自己幾個都影番張啦
與十叔仔好友Tony合照
這是一次負責比較多的一場音樂會, 包括安排大部份編曲, 樂譜, 編排 rundown, 聯絡樂手等, 當然也要自己落場彈啦。 ......
inLove 這個星期六(17/10) 將於朗豪坊O Zone演出,時間是 9:00-9:45pm, 希望到時可以見到大家!另外, 廣州的演出將會......
一一B.jpg
全球反麥當勞日.jpg
代青塔娜.jpg
mag mag 2008-01-16 00:18
原來你有報道咖！！遲睇好過冇睇呀真係！！！
你講得好好呀~雖然阿十叔都好似重係心事重重，但你放心啦~~上帝同我地呢一班弟兄姊妹一定會好好照住十叔o既~~~
佢有個咁關佢o既姪女，都係佢o既福氣吖~~~~
收到你隻花絮cd呀~！多謝你呀~~！！
jean 2007-08-29 21:21
練練，詩歌我都鍾意聽架，下次如果佢地再搞音樂會o既話，到時又邀請你一齊出席啦。^v^ 我細細妹都18歲喇，你見佢o個時都未夠秤，總會有d唔同左樣o既，哈哈~ 我冇減肥呀，只不過去完韓國旅行之後確實食少左o野，瘦左dddd，不過依家食量好似都返番o黎喇，嘻嘻~(你梗係唔記得有句話我成日講，食得是福丫嘛，點會減肥呢，最多keep住咁上下囉~)
明恩 2007-08-29 00:04
咁咪好囉!多d出席你十叔d教會聚會!喂!我唔認得你細妹!唔同左!你好似瘦左!你減肥？你瘦得幾好睇喎!講真架!
Chingfai 2007-08-27 09:13
Soo 2007-08-27 03:23
其實你都見到我地各人面上所流露嘅喜悅
...呢啲都係神給予我地嘅印記尼架
...係咪好正同好想得到呢
...其實只要敞開心門讓神進入
...每個人都可以得著呢份從上而尼嘅祝福
...最後特別多謝你地嘅蒞臨同埋筆錄咗呢篇咁"圖文並荗"嘅後記
...呵呵~~